د.به‌رهه‌م ساڵح پیرۆزبایی له‌ سوڵتانی نوێی عومان ده‌كات

.

سه‌رۆك كۆمار د.به‌رهه‌م ساڵح بروسكه‌یه‌كی پیرۆزبایی ئاراسته‌ی هه‌یسه‌م كوڕی تارق ئال سه‌عید كرد به‌بۆنه‌ی ده‌ست به‌كاربوونی وه‌ك سوڵتانی نوێی عومان.

ئه‌مه‌ش ده‌قه‌ی بروسكه‌كه‌یه‌:

خاوه‌ن شكۆ سوڵتان هه‌یسه‌م كوڕی تارق ئال سه‌عید سوڵتانی سه‌ڵته‌نه‌تی عومانی مه‌زن.

به‌ناوی خۆم و گه‌لی عێراقه‌وه‌ گه‌رمترین پیرۆزباییتان لێ ده‌كه‌م به‌ بۆنه‌ی هه‌ڵبژاردنتان به‌سوڵتانی عومان، به‌م بۆنه‌یه‌وه‌ په‌رۆشی عێراق به‌گه‌ل و سه‌رۆك و حكومه‌ته‌وه‌ له‌ پێناو به‌رده‌وامی په‌یوه‌ندی برایانه‌ی نێوان عێراق و سه‌ڵته‌نه‌تی عومانتان پێ ڕاده‌گه‌یه‌نم، و هیوامان به‌كاركردنه‌ له‌ پێناو خزمه‌تكردنی به‌رژه‌وه‌ندییه‌كانی هه‌ردوو گه‌لی دۆست و به‌رجه‌سته‌كردنی بنه‌مای هاریكاری و خۆشه‌ویستی و ئاشتی له‌ ناوچه‌كه‌دا.
دووباره‌ گه‌رمترین پیرۆزبایی له‌ به‌ڕێزتان ده‌كه‌م و هیوای ته‌ندروستی و سه‌ركه‌وتن و پێشكه‌وتنی زیاتر بۆ سه‌ڵته‌نه‌تی عومان به‌سه‌رۆكایه‌تی به‌ڕێزتان ده‌خوازم.
له‌گه‌ڵ ئه‌وپه‌ڕی ڕێزمدا

براتان
به‌رهه‌م ساڵح
سه‌رۆك كۆماری عێراق

PUKmedia ڕاگه‌یاندنی سه‌رۆكایه‌تی كۆمار