یۆنان.. دەیان پەنابەر گیانلەدەستدەدەن

.

لە یۆنان بەهۆی ژێرئاو كەوتنی بەلەمێكەوە زیاتر لە 30 پەنابەر گیانیان لەدەستدا و بێسەروشوێن بوون.

شێخ حسێن حەمە ساڵح لەدەزگای لوتكە رایگەیاند: سەعات 9ی بەیانی ئەمڕۆ شەممە ،11-1-2020 لەكاتی كۆچكردنی ژمارەیەك پەنابەر كەبەنیاز بوون لەكەناراوەكانی وڵاتی یۆنان خۆیان بگەێنە كەناراوەكانی ئیتاڵیا، لەنزیك دوورگەی پاكسوس ی یۆنان بەلەمێك ژێرئاو كەوت و بەهۆیەوە زیاتر لە 30 كەسیان گیانیان لەدەستدا و  بێسەروشوێن بوون.

بەرپرسی دەزگاكە رایگەیاند: بەدواداچوونەكانیان بەردەوامە بۆ ئاشكراكردنی ناسنامەی قوربانیەكان.

 وتیشی: لەلایەن چەند كەشتییەكی بارهەڵگرەوە پۆلیسی دەریاوانی كەركەرە و ئیگۆمەنیچە ی یۆنانی لێ ئاگادار كراوەتەوە كە توانیویانە 21 كەسیان رزگار بكەن و تەرمی 12 قوربانیان لە نێودەریادا دەرهێناوە.

راشیگەیاند: بەپێی ئەو زانیارییە سەرەتاییانەی بەدەستمان گەیشتووە نزیكە 17 پەنابەری دیكە بیسەروشوێنن پۆلیسی دەریاوانی بەردەوامە لە پڕۆسەی گەڕان بەدوایاندا.

PUKmedia دەزگای لوتكە