ناوه‌ڕۆكی كۆبوونه‌وه‌كه‌ی عادل عه‌بدولمه‌هدی و وه‌فدی باڵای یه‌كێتی

.

دوای ئه‌وه‌ی ئێواره‌ی ئه‌مڕۆ 11-1-2020، د. عادل عه‌بدولمه‌هدی سه‌رۆك وه‌زیرانی كاربه‌رێكه‌ری عیراق و وه‌ فدێكی هاوڕێی سه‌ردانی سلێمانیان كردو له‌گه‌ڵ به‌رپرسانی باڵای یه‌كێتیی نیشتمانیی كوردستان به‌سه‌رۆكایه‌تی كۆسره‌ت ڕه‌سوڵ عه‌لی سه‌رۆكی ئه‌نجومه‌نی باڵای سیاسی و به‌رژه‌وه‌ندی یه‌كێتی، كۆبووه‌وه‌، له‌ كۆتایی كۆبوونه‌وه‌كه‌دا، وه‌فدی باڵای یه‌كێتی له‌ به‌یاننامه‌یه‌كدا ناوه‌ڕۆكی كۆبوونه‌وه‌كه‌ی خسته‌ڕوو، كه‌ ئه‌مه‌ ده‌قه‌كه‌یه‌تی: 

سه‌ر له‌ ئێواره‌ی ئه‌مڕۆ 11-1-2020، د. عادل عه‌بدولمه‌هدی سه‌رۆك وه‌زیرانی كاربه‌رێكه‌ری عیراق و وه‌ فدێكی هاوڕێی سه‌ردانی سلێمانیان كرد، له‌لایه‌ن وه‌فدی باڵای یه‌كێتیی نیشتمانیی كوردستان به‌ سه‌رۆكایه‌تی كۆسره‌ت ڕه‌سوڵ عه‌لی سه‌رۆكی ئه‌نجومه‌نی باڵای سیاسی و به‌رژه‌وه‌ندی یه‌كێتی پێشوازیان لێكرا.

له‌ كۆبووه‌نه‌وه‌كه‌دا گفتوگۆ له‌ باره‌ی دۆخی سیاسی عیراق كراو چۆنێتی ڕووبه‌روو بوونه‌وه‌ی مه‌ترسی و ته‌حدییه‌كانی به‌رده‌م پرۆسه‌ی سیاسی و دۆخی ئه‌منی تاوتوێ كران.

له‌ به‌شێكی تری كۆبوونه‌وه‌كه‌دا، دۆخی هه‌رێمایه‌تی و گۆڕانكاریه‌كانی ناوچه‌كه‌ هه‌ڵسه‌نگێنران.

هه‌ردوولا هاوڕابوون، كه‌ هێشتا مه‌ترسی تیرۆرستانی داعش كۆتایی نه‌هاتووه‌و جه‌ختیان كرده‌وه‌، پێویسته‌ هه‌وڵه‌كان چڕ بكرێنه‌وه‌و هه‌ماهه‌نگی زیاتر له‌ نێوان هه‌ردوولا دا هه‌بێت بۆ تێكشكاندنیان.

په‌یوه‌ندی نێوان هه‌رێم و ناوه‌ند ته‌وه‌رێكی تری كۆبوونه‌وه‌كه‌ بوو، جه‌ختكرایه‌وه‌ له‌سه‌ر گرنگی پته‌وتركردنی په‌یوه‌ندیه‌كانی نێوان هه‌ردوولا، له‌پێناوی به‌رژه‌وه‌ندییه‌ گشتییه‌كانی گه‌لانی عیراق.

PUKmedia