نەعامەكانی كوردستان زوو گەورە دەبن

نەعامەكانی كوردستان زوو گەورە دەبن


11/1/2020 14:04:00
چاپ کردن
بە وێنەوە    بە بێ وێنە
           
.

چەند ساڵێكە خواست لەسەر بەخێوكردنی نەعامە لە كوردستان زیادی كردووە، دوو كێڵگەی تایبەتی لە كەركوك و دەربەندیخان هەن، كە لە ئێستادا بە هەردووكیان زیاتر لە 60 نەعامەیان تێدا بەخێو دەكرێت، نرخی یەك نەعامەش بە 1000 دۆلارە، هەرچەندە نیشتیمانی سەرەكیی ئەم پەلەوەرە وڵاتانی ئەفەریقا و ئوستڕاڵیایە، بەڵام بەشێكی زۆریان لە رێگەی ئێرانەوە هاوردەی هەرێم دەكەن.

هاوكار حەمید (24ساڵ)، سەرباری بچووكیی تەمەنی، بەڵام بەشێكی زۆری ژیانی بە مامەڵەكردن لەگەڵ ئاژەڵە دەگمەن و گرانبەهاكان بەسەر بردووە، بە تایبەتیش وشترمرخ (نەعامە).

هاوكار كە نزیكەی 10 ساڵە دەستی بە بەخێوكردن و فرۆشتنی ئاژەڵ كردووە، لە كێڵگەیەكی یەك دۆنمی لە كەركوك زیاتر لە ٤٠ نەعامەی جۆری ئەفەریقی بەخێو دەكات.

هاوكار حەمید، خاوەنی كێڵگەی نەعامە بە ״ئاژانس״ی  وت: ״بەشێكی زۆری ئەو نەعامانە بە بەچكەیی لە ئێرانەوە دەهێنم و گەورەیان دەكەم و دواتر دەیانفرۆشم، كێشی هەر نەعامەیەك بە بەچكەیی 8 تا 10 كیلۆغرامە، بە گەورەییش دەگەنە 150 كیلۆ و درێژیشیان دەگاتە 2 تا دوو مەترونیو״.

نرخی هێلكەیەكی نەعامە 40 هەزار دینارە و بە 42 ڕۆژ هێلكەكان هەڵدێن، لە سەرجەم شارەكانی هەرێمی كوردستان و عێراق كڕیاری ئەو دوو كێڵگەیە هەن، بە تایبەتی ئەو كەسانەی باخ و ڤێلایان هەیە و نرخی یەك نەعامەی گەورە بە 1000 دۆلارە و بە بچووكییش بە 300-400 دۆلارە.

عەتا قادر، خاوەنی كێڵگەیەكی بەخێوكردنی نەعامەیە لە دەربەندیخان و سێ ساڵە دەستی بە بەخێوكردن و فرۆشتنی وشترمرخ كردووە و لە ئێستادا 20 نەعامەی هەیە وتی: بیرۆكەی بەخێوكردنی نەعامەم لە ڕێگەی چەند كەناڵێكی تەلەفزیۆنیی تایبەت بە ئاژەڵانەوە وەرگرت، چەند نەعامەیەكم وەك تاقیكردنەوە كڕی و بێرۆكەكە سەركەوتوو بوو، بۆیە ژمارەیەك زیاتری نەعامەم بە بەچكەیی كڕین و بەخێوم كردن.

ژینگەی كوردستان بۆ بەخێوكردنی نەعامە گونجاوە، نەعامەش قازانجی ماددیی زۆری هەیە، چونكە بە زوویی گەورە دەبن، خۆراكەكانیشیان بریتین لە جۆ، زەڕات، گەنم و وێنجە، عەتا قادر وای بە ״ئاژانس״ وت.

لە هەرێمی كوردستان زیاتر دوو جۆری وشترمرخ هەن، ئەویش هەریەك لە ئەفەریقی و هندییە، نەعامە هندییەكان كێشیان كەمترە.

بەشێك لە چێشتخانەكان بە مەبەستی فرۆشتنی گۆشتەكانیان نەعامە دەكڕن و بە پێی وتەی خاوەن ئەو چێشخانانە گۆشتی نەعامە خواستێكی زۆری لەسەرە.

ناسیح قادر، خاوەنی دوو چێشتخانەیە لە قەزای سەیدسایق و ڕۆژانە زیاتر لە 35 كیلۆ گۆشتی نەعامە دفرۆشێت، بە ״ئاژانس״ی وت: ״نزیكەی 5 مانگە خواست لەسەر گۆشتی نەعامە زۆر بووە بە جۆرێك كە پێشتر ڕۆژانە 3 كیلۆم دەفرۆشت، بەڵام ئێستا دەگاتە 35 تا 40كیلۆ.״

״لەبەر ئەوەی گۆشتی نەعامە لە كوردستان كەمە لە چەند سەرچاوەیەكەوە گۆشتەكەی دەهێنم، بە تایبەت لە ئێران لە ڕێگەی مەرزەكانەوە بە سەربڕاوی دەیهێنم، هەروەها لە قەزای سەیدسادق و دەربەندیخان و قوشتەپە و چەند ناوچەیەكی دیكە كێڵگەی تایبەت بە بەخێوكردنی نەعامە هەیە و منیش گۆشتەكەی بە سەربڕاوی كیلۆی بە 17 هەزار دەكڕم و بە 20 تا 25 هەزار دەیفرۆشم.״

لە هەرێمی كوردستان تەنها یەك كێڵگەی تایبەت بە بەخێوكردنی نەعامە مۆڵەتی وەزارەتی كشتوكاڵی هەیە، كە ئەویش بە هۆی چەند كێشەیەكەوە لە كار كەوتووە.

فیراس سدیق، بەڕێوەبەری سامانی ئاژەڵ لە وەزارەتی كشتوكاڵی هەرێم بە ״ئاژانس״ی وت: ״هیچ چاودێرییەكمان بەسەر ئەو كێڵگانە نییە كە مۆڵەتی وەزارەتیان نییە، چونكە ئەوان لە ڕێنمایی ئێمە دەرچوون، ئەو كەسانەشی مۆڵەتی كردنەوەی كێڵگەیان نییە نایانەوێت پابەندی ڕێنماییەكانی وەزارەت بن، ئەگەرنا هیچ ئاستەنگێك لە لایەن ئێمەوە بۆ وەرگرتنی مۆڵەت درووست ناكرێت.״

״بە پێی ڕێنماییەكان وەزارەت دەبێت هەر كێڵگەیەكی تایبەت بە بەخێوكردنی نەعامە 3 كیلۆمەتر لە سنووری شارەوانیی پارێزگا و دوو كیلۆمەتر لە سنووری قەزا و هەزار مەتریش لە كۆمەڵگەی نیشتەجێبوون دوور بێت، هەروەها دەبێت پانتایی كێڵگەكە لە دوو دۆنم كەمتر نەبێت״، فیراس سدیق وای بە ״ئاژانس״ وت.

 PUKmedia لە ئاژانسەوە وەرگیراوە

 

 

 

وێنە هەواڵ
  • image04
  • چین.. له‌ماوه‌ی 10 رۆژدا نه‌خۆشخانه‌یه‌كی 1000 قه‌ره‌وێڵه‌یی دروستده‌كرێت

  • image04
  • داڤۆس.. كۆبوونەوەی سەرۆك كۆمار لەگەڵ ئەمینداری ناتۆ

  • image04
  • وەفدی باڵای یەكێتی و یەكگرتوو لەكۆبوونەوەدا

  • image04
  • رۆژنامەنووسانی PUKmedia یادی 17 ساڵەی دامەزراندنی سایتەكەیان كردەوە

  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان


                                           

دانیمارك... سەردانی باڵیۆزخانەی عیراق


ڕۆژی سێشەممە  ( ٢٠٢٠-١-٢١ ) وەفدێكی کۆمەڵە و ڕێکخراوە جۆراو جۆرەکانی دانیمارك بە نوێنەرایەتی ڕەوەندی عیراقی کە لە چوارچێوەی یەکێتیەکەدا کار دەکەن بە مەبەستی پیرۆزبایی و دەست بەکاربوو...


  دانیمارك..كۆنگرەی ئەنجومەنی ژنان بەڕێوەچوو
  كەنەدا.. سیمینارێك دەربارەی خۆپیشاندانەكانی عیراق بەڕێوەدەچێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

سه‌رۆك كۆمار لە داڤۆسەوە عیراق ده‌باته‌وه‌ كۆمه‌ڵگه‌ی نێوده‌وڵه‌تی

سه‌رۆك كۆماری عیراق له‌كۆڕبه‌ندی داڤۆس په‌یامی گه‌لی عیراقی گه‌یانده‌ وڵاتان و ره‌تیشده‌كرێته‌وه‌ كه‌ سه‌ردانه‌كه&zwn...


  لەهەر رۆژێكدا 31 خێزان لە هەرێم هەڵدەوەشێتەوە
  توێژەرێک: ناهۆشیاری تاک هۆکاری سەرەکی خۆکوشتنە


کاریکاتێر