كۆسرەت ڕەسول پیرۆزبایی لە خوشك و برا كاكەییەكان دەكات

.

لەپەیامێكدا كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی  یەكێتی نیشتمانی كوردستان پیرۆزبایی جەژنی سێ شەوەی یارانی قەوڵتاسی كاكیەكان دەكات.

دەقی پەیامەكە 

خوشك و برایانی كاكەیی

بەبۆنەی هاتنەوەی جەژنی سێ شەوەی یارانی قەوڵتاسی كاكەییان گەرمترین پیرۆزباییتان ئاراستە دەكەم و دەخوازم هەمیشە لە جەژن وخۆشی بن و لە سایەی پێكەوەژیان لە كوردستاندا جەژنەكانتان بەشادی ببەنەسەر.

مێژووی پڕ لە خەبات و قوربانیدانی كورد پڕیەتی لە سەروەری و نەبەردی كاكەییەكان، كە دڵسۆزانەو شۆڕشگێڕانە لە كاروانی خەبات وقوربانیدان بۆ مافەكانی میللەتەكەمان خەباتیان كردووە.

ئەمڕۆش لەسایەی خوێنی شەهیدان و قوربانی پێشمەرگە قارەمانەكانمان، هەموومان لە كوردستان بەبێ هیچ جیاوازییەكی ئایینی،نەتەوەیی، مەزهەبی و كلتووری ڕێوڕەسمەكانی خۆمان ئەنجام دەدەین و بەوپەڕی لێبووردەییەوەو بەگیانی تەبایی و یەكتر قبوڵكردنەوەپیرۆزبایی لە یەكتر دەكەین، ئەركیشە لەسەر هەموومان پەرە بە ڕۆحیەتی پێكەوەژیان و تەبایی نێوان پێكهاتەو نەتەوەو ئایینە جیاوازەكانبدەین.

جارێكی تریش پیرۆزبایی جەژنی سێ شەوەی یارانی قەوڵتاس لە خوشك و برا كاكەییەكانمان دەكەین.

كۆسرەت ڕەسول عەلی

سەرۆكی ئەنجومەنی باڵای سیاسی و بەرژەوەندی

یەكێتی نیشتمانی كوردستان

PUKmedia تایبەت