سكرتێری بزوتنەوەی دیموكراتی گەلی كوردستان پیرۆزبای لەكۆسرەت رەسوڵ دەكات

.

خدر روسی سكرتێری گشتی بزوتنەوەی دیموكراتی گەلی كوردستان بەبۆنەی هاتنی سەری ساڵی تازەی زایینی و لەوەڵامی نامە پیرۆزباییەكەی كۆسرەت رەسوڵ-دا، نامەیەكی پیرۆزبایی ئاڕاستەی سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان دەكات.

سكرتێری بزووتنەوەی دیموكراتی گەلی كوردستان بۆ كۆسرەت رەسوڵ نوسیویەتی: بەناوی خۆم و بزوتنەوەی دیموكراتی گەلی كوردستان ئەم بەسەركردنەوەیە بەرزدەنرخێنین و لەدڵەوە سوپاسی ئێوەی پێشمەرگەو وەفادار بۆ پێشمەرگایەتی دەكەین و هیوادارین هاوشێوەیبەرێزتان زۆربێت لەڕیزەكانی گەلی كوردستان، لەساڵی تازەدا هیوای تەندروستیەكی باشت بۆ دەخوازین و وەك چۆن لەڕابردووداپەیوەندییەكانمان هەردەم لە باشیدا بووە ئێستاش جەخت لە باشتركردنی دەكەینەوە.

خدر روسی لە درێژەی نامەكەیدا كە ئاراستەی كۆسرەت رەسولی كردووە نووسیویەتی: لەم سۆنگەیەوە رەوشی ناوچەكە بەتایبەتی عیراق وادەخوازێت هێزە كوردستانییەكان زیاتر گفتوگۆ بكەن بۆ دەرچوون و زاڵبوون بەسەر قەیران و پێشهاتەكان.

لەكۆتایی نامەكەیدا سكرتێری بزووتنەوەی دیموكراتی گەلی كوردستان نووسیویەتی: دووبارە هیوای سەركەوتنت بۆ دەخوازین لەو ئەركەتازەیەی كە لەلایەن كۆنگرەی چواری یەكێتیی نیشتمانیی كوردستان پێتان سپێردراوە، جارێكی دیكە رێزو سڵاومان قبوڵ بفەرموو.

PUKmedia