نەرویج.. سێ كچە كورد سوتان

.

لەشارێكی وڵاتی نەرویج بەهۆی گڕگرتنی خانووەكەیان چوار ئەندامی خێزانی كوردی خەڵكی رۆژئاوای كوردستان گیانیان لەدەستدا، كە دایكێك و سێ خوشكبوون.

عەبدلجەبار عەبدوڵا چالاكوانی مەدەنی لەرۆژئاوای كوردستان رایگەیاندوە:" دوای ئەوەی لە شاری برگنی وڵاتی نەرویج خانووی خێزانێك كە كوردن و خەڵكی رۆژئاوای كوردستان ئاگری گرتووە، سێ منداڵ و دایكێك تیایدا سوتاون و گیانیان لەدەستداوە".

وتووشیەتی:" لەكاتی ئاگر كەوتنەوەكەدا دوای ئەوەی دایكیان هاتووەتە دەرەوە، كاتێك زانیویەتی سیان لەكچەكانی لەناو ماڵەوەدان  چووەتەوە ژوورەوە، هەربۆیە  خۆی و سێ كچەكەی گیانیان لەدەستداوە".

ئاماژەی بەوەشكردوە:" لەو رووداوەدا باوك و كچی ئەو خێزانە لەسوتان رزگاریان بووە".

ئەوەشی ئاشكراكردوە:"ئەوخێزانە خەڵكی شارۆچكەی بلبلیەی عەفرینن لەرۆژئاوای كوردستان".

PUKmedia ئامادەكردنی "سامان یاروەیس"