هاوكاری كەسوكاری شەهیدانی شەڕی داعش دەكرێت

.

وەزارەتی پێشمەرگە هاوكاری بەسەر كەسوكاری شەهیدانی شەڕی داعش دابەش دەكات.

وەزارەتی پێشمەرگەی حكومەتی هەرێمی كوردستان، لەپێگەی رەسمی خۆی، بڵاویانكردوەتەوە:" ئه‌مڕۆ 6/1/2020 به‌ سه‌رپه‌رشتی سه‌ربه‌ست له‌زگین بریكاری وه‌زاره‌تی پێشمه‌رگه‌ و به‌ئاماده‌بوونی فه‌ریق جه‌بار یاوه‌ر ئه‌مینداری گشتی و فه‌ریق جه‌مال محه‌مه‌د سه‌رۆكی دەستەی ئه‌ركان و نوێنه‌ری به‌ڕێوه‌به‌رایه‌تی و لیواكانی سه‌ر به ‌وه‌زاره‌تیپشمه‌رگه‌ و یه‌كه‌كانی حه‌فتا و هه‌شتا و هێزه‌كانی زێره‌ڤانی، كۆبوونه‌وه‌یه‌ك له‌باره‌ی خه‌رجكردنی هاوكاریی خێزانی شه‌هیدانی شه‌ڕی داعش به‌ڕێوه‌چوو.

رونیشكراوەتەوە:"له‌و كۆبونه‌وه‌یه‌دا،‌ بریكاری وه‌زاره‌تی پێشمه‌رگه‌ ئاماژه‌ی به‌وه‌دا كه‌ حكومه‌تی هه‌رێمی كوردستان ره‌زامه‌ندی له‌سه‌ر خه‌رجكردنی هاوكاری خانه‌واده‌ی شه‌هیدانی شه‌ڕی داعش ده‌ربڕیوه‌و پاره‌كه‌ ئاماده‌یه‌ بۆ دابه‌شكردن، هه‌روها تیشكی خسته‌ سه‌ر چۆنیه‌تی و بڕی خه‌رجكردنی ئه‌و هاوكاریه‌ بۆ شه‌هیده‌كانی شه‌ڕی داعش كه‌ بۆ خێزانی هه‌ر شه‌هیدێك پێنج ملیۆن دیناره‌".

PUKmedia سایتی وەزارەتی پێشمەرگە