پایتەختی رۆشنبیری یادی رۆژی جیهانی سینەما دەكاتەوە

.

بەبۆنەی یادی سینەماوە بەشی هونەری سینەمای سلێمانی چەند چالاكییەك رێكدەخات و خەڵاتی رێزلێنان دەبەخشێتە ژمارەیەك هونەرمەندی سیینەماكار و بۆیەیكەمینجاریش فیلمی زاگرۆس نمایشدەكات.

رێبوار حەمە هەورامی یەكێك لە سەرپەرشتیارانی چالاكییەكە بە PUKmedia  ی راگەیاند: سەعات 4ی پاشنیوەڕۆی رۆژی شەممە 28-12-2019  لە هۆڵی تەلاری هونەر لەسلێمانی، بەشی هونەری سینەمای سلێمانی یادی سینەمای جیهانی  دەكاتەوە و بۆ ئەو مەبەستەش رێوڕەسمی تایبەت بەڕێوەدەچێت كەتێیدا خەڵاتی رێزلێنان دەبەخشرێتە چەند هونەرمەندێكی سیینەماكاری لاو كە لەبواری نواندندا كاردەكەن.

وتیشی: هەر لەچوارچێوەی چالاكییەكانماندا نمایشی پۆستەری ئەو فیلمانە دەكەین كەساڵانی پێشوو لەلایەن بەشی هونەری سینەمای سلێمانییەوە بەرهەمهێنراون و  بۆیەكەمینجاریش لە سلێمانی فیلمی زاگرۆس نمایشدەكرێت.

فیلمی زاگرۆس فیلمێكی درێژی كوردییە و ساڵی 2017 لەلایەن سەهیم عومەر خەلیفەوە دەرهێنانی بۆكراوە و چەندین خەڵاتی ناوخۆیی و جیهانی بەدەستهێناوە، لە فیلمەكەدا كۆمەڵێك ئەكتەری بەتوانای كوردستانی باكور رۆڵی تێدا دەبینن و ماوەكەی 1 سەعات و 42  دەقیقەیە و یەكەمجارە لە سلێمانی نمایش دەكرێت.

برایانی لۆمیر لەو رۆژەدا دەستیان كردووە بەنمایشی  وێنەی جووڵەی دەستی و ساڵی 1895 یادی 100 ساڵەی لە پاریس كرایەوە.

PUKmedia ژینەر محەمەد