یه‌كێتی و ژن و سه‌ركه‌وتن

.

له‌ جیهاندا كه‌متر ڕۆڵ به‌ رێبه‌رایه‌تی ژن دراوه‌، به‌ڵام هه‌ركات رۆڵی خۆشی وه‌رگرتووه‌ ئیتر نموونه‌یه‌كی جوان و ئازایانه‌یان پێشه‌كه‌شكردووه‌، له‌م سه‌رده‌مه‌ی سیاسه‌تدا رۆڵ به‌ ژن دراوه‌ و ته‌نانه‌ت زۆرێك له‌ ووڵاته‌كانی جیهان ژنان رێبه‌رایه‌تی ده‌كه‌ن و ره‌سمی ئاینده‌ی ووڵاته‌كانیان به‌ده‌ستی ژنان ده‌كێشرێ.

له‌ باشوری كوردستان و له‌ ریزه‌كانی یه‌كێتی نیشتمانی ژن خاوه‌ن هه‌ژموون و خاوه‌ن بڕیاری خۆی بووه‌ فه‌لسه‌فه‌ی ئه‌و حزبه‌ كه‌ مام جه‌لال له‌ 1975 دایناوه‌ هاوشانی له‌ خه‌بات داوه‌ به‌ژن هه‌ر له‌به‌ر ئه‌وه‌ش له‌ ریززه‌كانی یه‌كێتی ژن خاوه‌ن شوناسی خۆیه‌تی و له‌ خه‌باتی شاخ له‌ ژیانی شار نشینی و حكومڕانی ژنان خاوه‌ن هێز و ئیراده‌ی راسته‌قینه‌ی خۆیان بوون، یه‌كێك له‌و ژنه‌ سه‌نگیانه‌ی كه‌ ده‌بێت به‌ شانازییه‌وه‌ ناوی بهێنرێت په‌روین بابه‌كره‌ كه‌ ئه‌و یه‌كێكه‌ له‌و ژنه‌ نموونه‌ییانه‌ی له‌ تۆز و خۆڵ و مه‌ینه‌تی كارگه‌ی چیمه‌نتۆه‌ گه‌یشتۆته‌ ترۆپكی سه‌ركه‌وتن و بۆته‌ نموونه‌یه‌كی جوانی ژنی سه‌ركه‌وتوو هه‌م له‌ بوار ئابوری هه‌م له‌ بورای سیاسی و كۆمه‌ڵایه‌تی، هه‌ر له‌به‌ر ئه‌وه‌ش له‌ كاتی خۆی سه‌رۆك مام جه‌لال به‌ شایسته‌ی ئه‌م خانمه‌ ده‌زانێ و له‌ ناو یه‌كێتی رۆڵی گرنگ و به‌رچاوی ده‌داتێت چونكه‌ له‌و كاته‌ی كه‌ هه‌رێمی كوردستان و به‌ دیاری كراووی زۆنی سه‌وز له‌ ژێر گه‌مارۆی جیهانی و ناوخۆیدابوو ئه‌م خانمه‌ سه‌نگینه‌ وه‌ك یه‌كه‌مین به‌رێوبه‌ری ژن له‌ كارگه‌ی چیمه‌نتۆی سه‌رچنار به‌ گوڕ و تینی ناوخۆی توانی هێڵی دووه‌می كارگه‌ی چیمه‌نتۆی سه‌رچنار بخاته‌وه‌ گه‌ڕ و به‌شێكی زۆری به‌رهه‌مه‌ ناوخۆییه‌كان دابین بكا و له‌ رێگه‌ی چالاكییه‌كانیان له‌و كاته‌دا توانیان به‌رهه‌م زیاد بكه‌ن و به‌وه‌ش كۆتای به‌ خراپی دۆخی ئابوری خه‌ڵك بهێنن، په‌روین بابه‌كر كه‌ ئێستا ئه‌ندامی سه‌ركردایه‌تی یه‌كێتییه‌وه‌ و له‌ كۆنگره‌ش دووباره‌ له‌به‌رده‌م قۆناغی به‌رپرسیارێتی نوێدایه‌ به‌ شایسته‌ی خۆی له‌ ساڵی 2003 ده‌بێته‌ وه‌زیری پیشه‌سازی حكومه‌تی ئیداره‌ی سلێمانی و له‌ماوه‌ی كاركردنیدا توانی ده‌ستی كۆمپانیه‌ بیانییه‌كان به‌ كوردستان بگه‌یه‌نێت و زۆرێك له‌و كارگانه‌ی له‌ سه‌رده‌می رژێمه‌وه‌ به‌هۆی دۆخی ناسه‌قامگیری كوردستان له‌كار وه‌ستابوون به‌ توانستی ناوخۆی بوژانه‌وه‌ و دووباره‌ كه‌وتنه‌وه‌ گه‌ڕ هه‌ر له‌و سه‌رده‌مه‌دا ژیری و پێشبینییه‌كانی ئه‌و خانمه‌ وایكرد كه‌ له‌ رێگه‌ی پرۆسه‌ی به‌ تایبه‌تیكردنه‌وه‌ ئاستی به‌رهه‌م زیاد بكاو و بژێزی ده‌ستی كاریش به‌رزكاته‌وه‌ كه‌ دواجار ئه‌مانه‌ بوونه‌ خاڵی بوژانه‌وه‌ی ئه‌م ناوچه‌یه‌، په‌روین بابه‌كر یه‌ك له‌و ژنه‌ سه‌نگینانه‌یه‌ كه‌ ده‌كرێت شانازی پێوه‌بكرێت و وه‌ك نموونه‌یه‌كی كارامه‌ی له‌ ریزه‌كانی یه‌كێتی نیشتمانی ته‌ماشابكرێت.

رێبین عومه‌ر