هه‌ر كۆمپانیایه‌كی ده‌رمان پابه‌ندی رێنماییه‌كان نه‌بێت سزا ده‌درێت

.

وه‌زاره‌تی ته‌ندروستی هه‌رێم داوا له‌ كۆمپانیاكانی ده‌رمان ده‌كات پابه‌ندی رێنماییه‌كانی حكومه‌ت بن.

وه‌زاره‌تی ته‌ندروستی هه‌رێم راگه‌یه‌نراوێكی له‌باره‌ی كۆمپانیاكانی ده‌رمان بڵاوكردووه‌ته‌وه‌و ئاماژه‌ی بۆ ئه‌وه‌كردوه‌، ئێستا كار بۆ دامه‌زراندنی ده‌زگای خۆراك و ده‌رمان ده‌كرێت و وه‌زاره‌تی ته‌ندروستیش رۆڵی كاریگه‌ری له‌ دامه‌زراندنی ئه‌و ده‌زگایه‌دا ده‌بێت، هاوكات لیژنه‌كانیشیان به‌ به‌رده‌وامی چاودێری بازاڕه‌كان ده‌كه‌ن بۆ كوالیتی ده‌رمان و نرخه‌كه‌ی.

وه‌زاره‌تی ته‌ندروستی هه‌رێم هۆشداریشی داوه‌ته‌ كۆمپانیاكانی ده‌رمان كه‌ پابه‌ندی رێنماییه‌كانی حكومه‌ت بن، هه‌ر كۆمپانیایه‌كی ده‌رمانیش تا كۆتایی ئه‌م مانگه‌ پابه‌ندی بڕیار و رێنماییه‌كانی حكومه‌ت نه‌بێت، داده‌خرێت و روبه‌ڕووی سزا ده‌بێته‌وه‌.

هه‌ر له‌ راگه‌یه‌نراوه‌كه‌دا وه‌زاره‌تی ته‌ندروستی هه‌رێم رایگه‌یاندووه‌، ژماره‌یه‌ك كۆمپانیا به‌هۆی سه‌رپێچی و پابه‌ند نه‌بوونه‌وه‌ سزادراون و كه‌یسیان بۆ كراوه‌ته‌وه‌ و به‌پێی جۆری سه‌رپێچییه‌كانیان سزایان بۆ دیاری ده‌كرێت.

PUKmedia وه‌زاره‌تی ته‌ندروستی