ئه‌نجامی كۆنفرانسی مه‌ڵبه‌نده‌كانی كه‌ركوك و راپه‌ڕین راگه‌یه‌ندرا

.

سه‌رۆكی لیژنه‌ی باڵای هه‌ڵبژاردنه‌كانی چواره‌مین كۆنگره‌ی یه‌كێتیی نیشتمانی كوردستان، راگه‌یه‌ندراوێكی بڵاوكرده‌وه‌و ئه‌نجامی كۆتایی  كۆنفرانسی مه‌ڵبه‌نده‌كانی كه‌ركوك و راپه‌ڕینی راگه‌یاند.

له‌و راگه‌یه‌ندراوه‌دا، رزگار عه‌لی، سه‌رۆكی لیژنه‌ی باڵای هه‌ڵبژاردنه‌كانی كۆنگره‌ی چواره‌می یه‌كێتیی نیشتمانی كوردستان، رایگه‌یاندوه‌:"دوا به‌ دوای راگه‌یاندنی كۆتایی كۆنفره‌نسی مه‌ڵبه‌نده‌كان، بۆ كاندیدانی سه‌ركه‌وتوو بۆ چواره‌مین كۆنگره‌ كه‌ ده‌نگی پێویستییان به‌ده‌ست هێنابوو، دوای وردبینی كردنی ده‌نگه‌كانی گشت كاندیده‌ سه‌ركه‌وتووه‌كان، له‌ كۆنفره‌نسی مه‌ڵبه‌نده‌كانی (٢٤ ی راپه‌رین) و (٢ی كه‌ركوك) بۆ كۆنگره‌، راده‌گه‌یه‌نین".

رونیشكردوه‌ته‌وه‌:" به‌ هیوای سه‌ركه‌وتن و به‌ستنی كۆنگره‌یه‌كی سه‌ركه‌وتوو و نوێبوونه‌وه‌ی یه‌كێتیی نیشتمانیی كوردستان، له‌سه‌ر وته‌كه‌ی هه‌ڤاڵ مام جه‌لال كه‌ ده‌ڵێت (سه‌روه‌ریمان مانه‌وه‌مان گه‌شه‌كردنمان به‌نده‌ به‌ یه‌كێتیی نیشتمانیی كوردستانه‌وه‌)".

PUKmedia تایبه‌ت