حاكم قادر: براوه‌ی پڕۆسه‌كه‌ یه‌كێتییه‌

.

حاكم قادر حه‌مه‌ جان لێپرسراوی مه‌ڵبه‌ندی 1 ی ڕێكخستنی یه‌كێتیی نیشتمانی كوردستان له‌ كۆنفرانسێكی ڕۆژنامه‌وانیدا سه‌ركه‌وتنی كۆنفرانسی مه‌ڵبه‌نده‌كانی ڕایگه‌یاند.

وتیشی: براوه‌ی پڕۆسه‌كه‌ یه‌كێتیی نیشتمانی كوردستانه‌ و هه‌ر لێره‌شه‌وه‌ پیرۆزبایی له‌ كاندیده‌ ده‌رچووه‌كان ده‌كه‌م و هیوای سه‌ركه‌وتن بۆ ئه‌و كاندیدانه‌ش ده‌خوازم كه‌ نه‌یانتوانیوه‌ سه‌ر بكه‌ون.

ڕاشیگه‌یاند: په‌رۆشی كادیر و لایه‌نگره‌كانمان بۆ به‌ستنی كۆنگره‌ نیشانه‌ی دووباره‌ نوێبوونه‌وه‌ی یه‌كێتیی نیشتمانی كوردستانه‌ و ده‌بێت هه‌موومان له‌سه‌ر ئه‌و قسه‌یه‌ی سه‌رۆك مام جه‌لال كار بكه‌ین كه‌ فه‌رموویه‌تی: مانه‌وه‌مان و سه‌روه‌رییمان و گه‌شه‌سه‌ندنمان پابه‌نده‌ به‌ سه‌ركه‌وتنی یه‌كێتیی نیشتمانی كوردستانه‌.

ئه‌وه‌شی خسته‌ڕوو ده‌بێت هه‌نگاوی جدیتر بنێین بۆ به‌ستنی كۆنگره‌، له‌باره‌ی بانگهێشتكردنی میوانان بۆ كۆنگره‌ی چواره‌می یه‌كێتیی نیشتمانیی كوردستان حاكم قادر حه‌مه‌جان وتی: ده‌زگای هه‌ڵبژاردن بڕیار له‌سه‌ر ئه‌و پرسه‌ ده‌دات و ئه‌وه‌ی به‌لای ئێمه‌وه‌ گرنگه‌ به‌ستنی كۆنگره‌یه‌ به‌شێوه‌یه‌كی سه‌ركه‌وتوانه‌.

  PUKmedia تایبه‌ت