وەزیری رۆشنبیری: چالاكییەكانی حكومەتی فیدراڵ پشكی هەرێمی تێدابێت

.

بەمەبەستی گرنگی دانی زیاتر بە گەنجان و لاوان ئەنجامدانی كاری هاوبەش لە نێوان هەردوو لا  رۆژی 9-12-2019، حەمەی حەمە سەعید وەزیری رۆشنبیری و لاوان  بە ئامادەبوونی بەشێك لە بەرێوبەرە گشتییەكانی وەزارەت پێشوازی كرد لەوەفدێكی بەرێوبەرایەتی گشتی كاروباری هەرێمەكان و پارێزگاكان لەوەزارەتی وەرزش و لاوانی حكومەتی فیدراڵ كە پێكهاتبوو لە تاڵب سابر موسلیم بەرێوبەری گشتی كاروباری هەرێمەكان وپارێزگاكان و  بەرێوەبەری گشتی چاودێری زانستی وەفدی یاوەری.

لەمدیدارەدا گفتوگۆ لەبارەی پەیوەندی و پێویستی هەماهەنگی نێوان وەزارەتی رۆشنبیری هەرێم و وەزارەتی وەرزش و لاوانی عیراق كرا.

وەزیری رۆشنبیری و لاوان بۆ وەفدی میوانی رونكردەوە كە ئەمان ئامادەی ھەموو كارێكی ھاوبەشن كەلەبەرژەوەندی كەرتی گشتیدابێ و لاوانی عیراق بەبێ جیاوازی لێی سودمەندبن.

 هەر لەمیانی گفتوگۆكاندا ئاماژەی بەگرنگی ئەم هەماهەنگییەی نێوانیانی كرد و رایگەیاند  پێویستە كار و چالاكییە دەرەكیەكان كە حكومەتی فیدراڵ پێیان هەڵدەستێ لە ناردنە دەرەوە و بەشداری پێكردنی وەرزشوانان و لاوان حكومەتی هەرێمی لێ بێبەش نەكرێت هاوكات تیشك خرایە سەر چەند خاڵێك بۆ باشتر كردنی ئەم پەیوەندیە و بەرەو پێشبردنی، ئەمەش بەكاری هاوبەش و پێكەوە كاركردن دەكرێت

لای خۆشیەوە بەرێوبەری گشتی كاروباری هەرێمەكان وپارێزگاكان  سڵاو رێزی وەزیری وەرزش و لاوانی عیراقی بە وەزیری رۆشنبیری گەیاندوو سوپاسی ئەم پێشوازیەی وەزیر و وەزارەتی كرد و رایگەیاند ئەوان ھاتوون بۆ ئەوەی لەگەڵ وەزارەتی رۆشنبیری حكومەتی ھەرێمی كوردستان كاری ھاوبەش و پلانی ھاوبەش دابڕێژن. 

لەوبارەیەوە وتی: ئێمە دەمانەوێ سود لەئەزموونی هەرێمی كوردستان وەربگرین لە پرۆگرامی 2020 پێكەوەهاوكار و هەماهەنگبین و كاری هاوبەش ئەنجامبدەین. لەكۆتاییدا هەردولا جەختیان لەپەیوەندییەكان وئەم دیدارانە دووبارەببنەوەو، ئاماژەش بەوەدرا لەدیداری ئایندەدا پڕۆژەو كاری هاوبەش بخەنە بواری جێبەجێ كردن.

PUKmedia تایبەت