ڤانکوڤەر.. سیمینارێك لەسەر ڕۆژئاوا بەڕێوەدەچێت

ڤانکوڤەر.. سیمینارێك لەسەر ڕۆژئاوا بەڕێوەدەچێت


9/12/2019 19:09:00
چاپ کردن
بە وێنەوە    بە بێ وێنە
           
.

لەسەر داواکاری گروپی چالاکوانانی سەربەخۆی ڤانکوڤەر و هاوکاری رێکخراوی ماڵی کوردی ڤانکوڤەر ، رۆژی شەممە بە ئامادەبوونی ژمارەیەکی بەرچاوی  ڕۆشنبیران و هونەرمەندان و ڕەوەندی کوردی ڤانکوڤەر سیمینارێك لە ژێرناونیشانی ( رۆژئاڤا قەڵایەك لە بەرگری ، سەکۆیەك بۆ کۆکردنەوەی ئازادیخوازانی جیهان ) بۆ خاتوو کەژاڵ حەمە ڕەشید چالاکوانی مافی مرۆڤ و ئەندامی کۆنگرەی نەتەوەیی کورد ( کەنەکە ) بەڕێوەچوو .

 سەرەتا محەمەد ڕانیەیی بەرپرسی ماڵی کوردی ڤانکوڤەر بەخێر هاتنی ئامادەبووانی کرد وپاشان بەرنامە و تەوەری سیمیناری بۆ بەشداربووان ڕوونکردەوە .
 ئەندامی کەنەکە خاتوو کەژاڵ لەسەرەتای باسەکەیدا تیشکی خستە سەر گەشتەکەی بۆ رۆژئاوا و بەشداریکردنی لە کۆڕبەندی جیهانی ڕوبەڕووبوونەوەی داعش کە لە مانگی تەمووزی 2019 لە شاری عاموودای سوریا بەسترا و پاشان پوختەی سیمینارە کەی لەچەند بابەتێکدا گەڵاڵە کرد کە بریتی بوون لە جوگرافیا و پێکهاتەکانی رۆژئاوا ، بیرۆکەی دەسەڵاتی خۆسەری  ، دامەزراندنی دادگای نێودەوڵەتی لە ڕۆژئاوا و پشتیوانیکردنی ڕۆژئاوا لەلایەن ئازادی خوازان و چەپ و فیمنستەکانی جیهانەوە ، ئەم باسانە ئەندامی کەنەکە بەتێروتەسەلی و بە بەکارهێنانی ڤیدیو و سلاید بۆ ئامادەبووان ڕوونکرایەوە .

لە تەوەریکی تردا ئەندامی کۆنگرەی نەتەوەیی کورد ( کەنەکە ) ئاماژەی بە ئەزموون و سەرکەوتوویی سیستەمی خۆسەری کرد لە بواری خزمەتگوزاری و پاراستنی مافی مرۆڤ بەگشتی و یەکسانی لە نێوان نەتەوە و ئایینە جیاوازەکانی رۆژئاوا و بەشداری بەرچاوی ژنان لە خۆبەڕێوبەرییەدا .

کێشەی دیلەکانی داعش و خێزان و مناڵەکانی داعش لە کەمپەکانی ڕۆژئاوا و بەتەنگەوە نەهاتنی وڵاتەکانی ئەوروپا و جیهان بۆ دانانی دادگایەكی نێودەوڵەتی لەسەر خاکی ڕۆژئاوا بۆ لێکۆڵینەوە لەگەڵ ئەو هەزاران دیلانەی داعش بەشێکی گرنگی سیمینارەکە بوو .

لە کۆتایی سیمینارەکەدا دەرگای گفتوگۆ و پرسیار لەبەردەم ئامادەبواان کرایەوە و خاتوو کەژاڵ حەمە ڕەشید ، بەڕاشکاوی وەڵامی پرسیارەکانی دایەوە  .

لەکۆتاییدا ئامادەبووان خۆشحاڵی خۆیان بۆ بەسەرکردنەوەیان لەلایەن کۆنگرەی نەتەوەیی کورد نیشاندا و خوازیارن ئەو جۆرە کۆڕو کۆبوونەوانە لە پێناو پتەوکردنی پەیوەندی نێوان کەنەدا و ئەوروپا و پارچەکانی کوردستاندا بەردەوام بێت . دواتر خاتوو کەژاڵ حەمە ڕەشید لە کۆتایی سیمینارەکەدا خۆشحاڵی خۆی بۆ دیداری چالاکوانان دەربڕی و سوپاسی رێکخراوی ماڵی کوردی ڤانکۆڤەرشی کرد بۆ ئەرك و رێکخستنی سیمینار .

جێی ئاماژەیە رۆژی دواتر کەژاڵ حەمە ڕەشید ئەندامی کەنەکە بەیاوەری هەڤاڵ کۆگان لە سەنتەری کوردیش کۆمینێتی توڕونتۆ و مەسعود هاشمی چالاکوانی سەربەخۆی ڤانکوڤەر سەردانی سەندیکای کریکارانی بریتش کۆڵۆمبیا  BCGEU کرد لەلایەن سەرۆکی سەندیکا ستافنی سیمس  و پۆڵ فینچ  بەڕێوبەری دارایی سەندیکا بەگەرمی پێشوازییان لێکرا ، لەو دیدارەدا سەندیکای کرێکاران بەرخۆدان و سەرکەوتنی هێزەکانی ڕۆژئاوا لە شەڕی دژە تیرۆر بەرزنرخاند ، ئیدارەی سەندیکا ئامادەیی خۆشیان بۆ هاوکاری و پشتیوانی ڕەوەندی کوردی ڤانکۆڤەر و هەر کارێکی تر پەیوەند بە گەلی کوردەوە بێت نیشانداو بڕی 10 هەزار دۆلاریشیان وەکو کۆمەك و یارمەتی بۆ ڕۆژئاوا کۆکردەوە .

PUKmedia عوسمان عەلی ، کەنەدا

وێنە هەواڵ
  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی

  • image04
  • به‌فر هه‌رێمی كوردستان سپی پۆش ده‌كات

  • image04
  • ریاڵ مه‌درید نازناوی جامی سوپه‌ری یانه‌كانی ئیسپانیای به‌ده‌ستهێنا

  • image04
  • بووكێك خه‌رجی هاوسه‌رگیرییه‌كه‌ی خۆی ده‌به‌خشێته‌ نه‌خۆشخانه‌ی هیوا


                                           

كەنەدا.. سیمینارێك دەربارەی خۆپیشاندانەكانی عیراق بەڕێوەدەچێت


لە بەردەوامی كار و چالاكییەكانی رێكخراوی ناوەندی كەلتووری كوردستانیانی كەنەدا و لە ژێر ناونیشانی ( خۆپیشاندانەكانی عیراقو ئاسۆ و ئامانجەكانی ) رۆژی 19/1/2020 لە شاری تو...


  فینلاند.. ساڵیادی كۆماری كوردستان ده‌كرێته‌وه‌
  ئەڵمانیا.. هەنگاوێكی تر بەرەو پەروەردەكردنی مامۆستایانی زمانی دایك
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

PUKmedia سەرمەشقی رۆژنامەگەری ئەلیكترۆنی كوردی

رۆژی 22-1-2020 سایتی پیوكەی میدیا لە كاروانی رۆژنامەگەریی خۆیدا پێدەنێتە 17 ساڵەی تەمەنییەوە.

پیوكەی میدیا وەكو یەكەم سایتی زمانحاڵ...


  عەرەب هەڵۆکانی کوردستان راودەکەن
  دهۆک 24 حاڵەتی ئەنفلۆنزای بەرازی تۆمارکردوە


کاریکاتێر