965 ئەندام لە كۆنفڕانسی مەڵبەندی سلێمانیدا بەشداردەبن

.

سەرلەئێوارەی ئەمڕۆ لەبارەگای مەڵبەندی ڕێكخستنی سلێمانی ، بەمەبەستی خستنەڕووی دوا ئامادەكارییەكان بۆ بەستن وبەڕێوچوونی كۆنفرانسی مەڵبەندەكان بەتایبەت مەڵبەندی سلێمانی و ئاماژەدان بەڕێنماییەكانی لیژنەی باڵای هەڵبژاردن ،  بەسەرپەرشتی حاكم قادرحەمەجان سەرپەرشتیاری مەڵبەندی ڕێكخستنی سلێمانی یەكێتی نیشتمانی كوردستان ، كۆبوونەوەی فراوانی ئەنجومەنی مەڵبەندو هەڤاڵانی كاندید بۆ كۆنفڕانسی مەڵبەند بەڕێوەچوو .

لەسەرەتای كۆبوونەوەكەدا سەرپەرشتیاری مەڵبەندی ڕێكخستنی سلێمانی ، وتەیەكی پێشكەش بەئامادەبووان كردو تیایدا پیرۆزبایی لەهەموو ئەو هەڤاڵانە كرد كەبەشداردەبن لەكۆنفڕانس وئومێدی خواست بۆ سەركەوتنی یەكێتی و نوێبوونەوە ، بۆ گەشەكردن و گەڕانەوەی پێچگەی سەنگینی یەكێتی متمانە ببەخشنە ئەو كاندیدە دڵسۆزو بەئەمەكانەی كەبەبیرو ڕۆشنبیری وفیكرو ئایدیایان دەتوانن گۆڕانكاری ڕیشەیی بكەن وهەنگاوەكانی یەكێتی بۆ بەرەو پێش وتازەكردنەوەی یەكێتی خێراتركەن .

لەبەشێكی تری وتەكانیدا حاكم قادر ئاماژەی بە ڕێنماییەكانی كۆمسیۆنی باڵای بەستنی كۆنگرەداو
بەداتا ژمارەی بەشداربووانی كۆنفڕانس وچۆنێتی بەڕێوەچوون وشێوازی دەنگدانی بۆ ئامادەبووان ڕوونكردەوە ، لەوانە ژمارەی بەشداربوانی گشتی بۆ كۆنفڕانسی مەڵبەند خستەڕوو پێكدێت لە ( 965 ) ئەندام لە پاڵێوراوودەنگدەر ، لەوانە (346) ئەندامیان لەكۆمیتەكانەوە دەرچوون و (263) بەشداربووانی ناو مەڵبەندن و (291) ئەندامیان بەشداربوانی مەكتەبەكانن لەگەڵ (65) ئەندام لەحكومەت ، لەكۆی ئەو ڕێژەیە 363 كاندیدن و (73) ئەندام بۆ كۆنگرە سەردەكەون ، واتە لە7.3%(سەداحەوت ولەدەیا سێ‌) پشكی سلێمانی و دەورو بەریدەبێت بۆ بەشداری لەكۆنگرەی چواری یەكێتی نیشتمانی كوردستان دا.

PUKmedia  تایبەت