كێ ده‌بێته‌ ئه‌ڵته‌رناتیڤی عه‌بدولمه‌هدی؟

كێ ده‌بێته‌ ئه‌ڵته‌رناتیڤی عه‌بدولمه‌هدی؟


4/12/2019 13:33:00
چاپ کردن
بە وێنەوە    بە بێ وێنە
           
.

دوای ده‌ستله‌كاركێشانه‌وه‌ی سه‌رۆك وه‌زیرانی عیراق، ئێستا پرسیاری سه‌ره‌كی ئه‌وه‌یه‌ كێ ده‌بێته‌ شوێنگره‌وه‌ی عادل عه‌بدولمه‌هدی و له‌ سێ ساڵی داهاتوودا ئه‌و پۆسته‌ به‌ڕێوه‌ده‌بات كه‌ زۆرترین ناكۆكی سیاسیی ناوخۆیی و ده‌ره‌كی له‌سه‌ره‌؟ كاندید بۆ ئه‌و پۆسته‌ چۆن یه‌كلایی ده‌بێته‌وه‌ و كۆده‌نگی بۆ په‌یدا ده‌كرێت؟.

یه‌كلاكردنه‌وه‌ی سه‌رۆك وه‌زیرانی نوێ دواده‌كه‌وێت؟

ئه‌نجومه‌نی نوێنه‌ران رۆژی یه‌كشه‌ممه‌ تۆپه‌كه‌ی خسته‌ مه‌یدانی سه‌رۆك كۆماره‌وه‌، ئێستا سه‌رۆك كۆمار ماوه‌ی كه‌متر له‌ دوو هه‌فته‌ی له‌به‌رده‌مه‌ بۆ ئه‌وه‌ی شوێنگره‌وه‌یه‌ك بۆ ئه‌و پۆسته‌ رابسپێرێت، به‌ڵام هه‌موو ئاماژه‌كان به‌و ئاڕاسته‌یه‌ن پڕۆسه‌كه‌ زیاتر له‌و ماوه‌یه‌ ده‌خایه‌نێت، بۆ ئه‌و مه‌به‌سته‌ش چه‌ند هۆكارێك هه‌ن:

یه‌كه‌م: ئه‌و كه‌سه‌ی كه‌ ده‌بێته‌ شوێنگره‌وه‌ی عه‌بدولمه‌هدی، ده‌بێت كۆده‌نگیی لایه‌نه‌ سیاسییه‌كان و پێكهاته‌كانی عیراقی له‌سه‌ر بێت. ئه‌مه‌ جگه‌ له‌وه‌ی كه‌ ده‌بێت كۆده‌نگیی ته‌واوی لایه‌نه‌ شیعه‌كانیشی له‌سه‌ر بێت.

دووه‌م: كاندیدی نوێی سه‌رۆك وه‌زیران ده‌بێت له‌ كوتله‌ی هه‌ره‌ زۆرینه‌ی ئه‌نجومه‌نی نوێنه‌ران بێت، ئێستا هاوپه‌یمانیی سائیرون كه‌ به‌ رای خۆی «خاوه‌ندارێتی له‌و زۆرینه‌یه‌» ده‌كات، خۆی بێبه‌ری كردووه‌ له‌وه‌ی كاندیدی بۆ پۆستی سه‌رۆك وه‌زیران هه‌بێت. هاوكات هاوپه‌یمانیی نه‌سریش به‌ سه‌رۆكایه‌تیی حه‌یده‌ر عه‌بادی سه‌رۆك وه‌زیرانی پێشوو، خۆی له‌و پرسه‌ بێبه‌ری كردووه‌، له‌و رووه‌وه‌ مه‌یدانه‌كه‌ بۆ هاوپه‌یمانیی فه‌تح به‌جێماوه‌، به‌ڵام فه‌تح نه‌ زۆرینه‌یه‌ و نه‌ لایه‌ندارییه‌ ده‌ره‌كییه‌كه‌ی هی ئه‌وه‌یه‌ كه‌ پێمان وابێت ده‌توانێت رۆڵی سه‌ره‌كی له‌ یه‌كلاییكردنه‌وه‌ی پۆسته‌كه‌دا ببینێت.

سێیه‌م: ره‌هه‌نده‌ ده‌ره‌كی و گرنگه‌كه‌ی ئه‌و پرسه‌یه‌ كه‌ هه‌میشه‌ به‌ یه‌كێك له‌ هۆكاره‌ كاریگه‌ره‌كانی یه‌كلاكردنه‌وه‌ی كاندیدی سه‌رۆك وه‌زیرانی عیراق داده‌نرێت. ئه‌مریكا، ئێران و عه‌ره‌بستانی سعودی و تا ئاستێكی زۆریش توركیا، ئه‌و پرسه‌یان به‌لاوه‌ گرنگه‌. به‌تایبه‌تیش واشنتۆن و تاران ده‌یانه‌وێت سه‌رۆك وه‌زیرانی داهاتوو ئه‌گه‌ر له‌ دۆسته‌ پله‌ یه‌كه‌كه‌شیان نه‌بێت، هیچ نه‌بێت كار نه‌كاته‌ سه‌ر به‌رژه‌وه‌ندییه‌كانیان و مه‌ترسییان له‌سه‌ر دروست بكات.

خۆپیشاندانه‌كان به‌رده‌وام ده‌بن؟

چواره‌م و كۆتا خاڵ خۆپیشانده‌رانن كه‌ ده‌توانن دووباره‌ هه‌موو شتێك پێچه‌وانه‌ بكه‌نه‌وه‌ و كۆتایی به‌و هه‌وڵانه‌ بێنن كه‌ باسمان كردن. عه‌بدولمه‌هدی له‌ ژێر فشاری خۆپیشانده‌ران و دواجاریش مه‌رجه‌عی باڵای شیعه‌كاندا ده‌ستیله‌كاركێشایه‌وه‌، ئێستا ئه‌وان داوا ده‌كه‌ن كه‌سێكی سه‌ربه‌خۆ ببێته‌ سه‌رۆك وه‌زیران و شوێنگره‌وه‌ی عه‌بدولمه‌هدی، له‌ ده‌ره‌وه‌ی ئه‌و خواسته‌یان ئه‌وان هه‌ڕه‌شه‌ی ئه‌وه‌ ده‌كه‌ن كه‌ خۆپیشاندانه‌كان به‌رده‌وام ده‌بن و فراوانتریشی ده‌كه‌ن.
له‌ هه‌ر لایه‌كه‌وه‌ سه‌یری دۆخ و په‌یوه‌ندییه‌ سیاسییه‌ ناوخۆیی و ده‌ره‌كییه‌كانی عیراق ده‌كه‌یت، وێنه‌كه‌ روونتر ده‌رده‌كه‌وێت كه‌ پرسی یه‌كلاییبوونه‌وه‌ی سه‌رۆك وه‌زیرانی داهاتووی عیراق هه‌ویرێكه‌ و ئاو زۆر ده‌كێشێت!.

PUKmedia كوردستانی نوێ

وێنە هەواڵ
  • image04
  • قوباد تاڵه‌‌بانی پێشوازی له‌‌ عوسمان بایده‌میر ده‌كات

  • image04
  • لاهور شێخ جه‌نگی و بافڵ تاڵه‌بانی به‌ هاوسه‌رۆكی یه‌كێتی هه‌ڵبژێردران

  • image04
  • تەقینەوەیەك لە پاكستان 10 كوژراوی لێدەكەوێتەوە

  • image04
  • یەكەم هاوسەرگیری كچ و كچ لە ئێرلەندا

  • image04
  • دوای چه‌ندین ساڵ به‌فر له‌به‌غدا باری

  • image04
  • تاڤگەی سەهۆڵ

  • image04
  • 16 ساڵ بەسەر مورافەعە گەورەكەی سەرۆك مام جەلال-دا تێدەپەڕێت

  • image04
  • یادی 17 ساڵەی شەهیدبوونی سەركردە شەوكەتی حاجی مشیرو هاوڕێكانی


                                           

کوردناسێکی فینلەندی دووەم کتێبی لەسەر کەرکوک دەنوسێت


نوسەرێکی کوردناسی فینلەندی کتێبی دووەمی خۆی لەسەر کەرکوک بڵاودەکاتەوە.

کریستینا کۆیڤونێن ژنە نوسەری کوردناسی فنلەندی کتێبی دووەمی خۆی بە ناونیشانی کەرکوک شاری بابەگورگوڕ...


  دانیمارك.. سیمینارێك له‌ شاری هۆڕسنس به‌ڕێوه‌چوو
  كه‌نه‌دا، ساڵیادی دامه‌زراندنی كۆمه‌له‌ به‌رز ڕاده‌گیرێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

له‌یادی ده‌ستگیركردنی ئۆجه‌لاندا

21 ساڵ تێپه‌ڕ ده‌بێت به‌سه‌ر ڕفاندن‌و ده‌ستگیركردنی عه‌بدوڵا ئۆجه‌لان دا.

عه‌بدوڵا ئۆجه‌لان ناسراو به‌ئاپۆ، له&zwn...


  داعش و ململانێی سیاسی موسڵی وێرانتركردوە
  كەلار لەبارینی بەفر بێ بەشە


کاریکاتێر