له‌نزیك شاری كۆبانێ له‌ رۆژئاوای كوردستان، بۆمبێك به‌كاروانێكی سه‌ربازه‌كانی روسیادا ته‌قییه‌وه‌و به‌و هۆیه‌وه‌ سێ سه‌ربازی ئه‌و وڵاته‌ بریندار بوون.

ئاژانسه‌كانی روسیا ئه‌مڕۆ 2-12-2019 بڵاویان كرده‌وه‌، له‌میانه‌ی ئه‌ركی چاودێریكردن و گه‌ڕانی هێزێكی هاوبه‌شی روسیاو توركیا، له‌رۆژئاوای ناوچه‌ی كوران له‌ شاری كۆبانێ بۆمبێك به‌ زرێپۆشێكی ئه‌و هێزانه‌دا ته‌قیوه‌ته‌وه‌و، له‌ئاكامدا سێ سه‌ربازی روسیا بریندابوون.

به‌پێی ئه‌و رێككه‌وتنه‌ی نێوان روسیاو توركیا كه‌ له‌ سوتشی له‌نێوان سه‌رۆكی ئه‌و دوو وڵاته‌ له‌ 22ی  ئۆكتۆبه‌ر ئیمزا كرا، هێزه‌ سه‌ربازییه‌كانی روسیاو توركیا گه‌ڕانی هاوبه‌ش له‌باكوری رۆژئاوای كوردستان ئه‌نجام ده‌ده‌ن.

PUKmedia ئاژانسه‌كان