ئەمریكا هۆشداری دەداتە هاووڵاتیانی لەتوركیا

.

ئەمریكا هۆشداری دەدات لەئەگەری هێرشی تیرۆرستی لەتوركیاو هاووڵاتیانیشی لەو وڵاتە ئاگادار دەكاتەوە كە خۆیانم بەدووربگرن لەسەردانیكردنی ئەو شوێنانەی فێستیڤاڵ و چالاكی تێدا دەكرێت.

ئەمڕۆ 2ی كانونی یەكەمی 2019، باڵیۆزخانەی ئەمریكا لە توركیا لە بەیاننامەیەكدا هۆشداریداوە لەئەگەری هێرشی تیرۆرستی و هاووڵاتیانی خۆی لەو وڵاتە ئاگاداركردوەتەوە، دەڵێت: لەكاتی بۆنەو جەژنەكاندا لەتوركیا رێوشوێنە ئەمنییەكان زیاتر دەكرێت ئەویش بەهۆكاری بوونی كردەوەی تیرۆرستی، بۆ رێگریش لەئەگەری روودانی هەر كردەوەی چاوەڕوانكراوی تیرۆرستی لەتوركیا كە شوێنە گەشتیارییەكان و ناوەندە بازرگانیەكان و فڕۆكەخانەكان و یانەكان و چێشتخانەو شوێنە پیرۆزەكان و ناوەندەكانی گواستنەوە دەكرێنە ئامانج كە كەسانی بیانی تێدایە.

ئەوەشی رونكردوەتەوە كە پێویستە هاووڵاتیانی ئەمریكی ئاگاداری خۆیان بەدوور بگرن  لەسەردانیكردنی ئەو شوێنانەی فێستیڤاڵ و چالاكی پششوەكانی تێدا دەكرێت، هەروەها ئەو شوێنە پیرۆزانەشی كە خەڵكی زۆری تێدا كۆدەبێتەوە.

PUKmedia ئاژانسەكان