مه‌ترسی له‌سه‌ر ناوچه‌ كوردستانییه‌كانی ده‌ره‌وه‌ی هه‌رێمی كوردستان هه‌یه‌ و بۆ ئه‌و مه‌به‌سته‌ش بڕیاره‌ سبه‌ینێ لیژنه‌ی ناوچه‌ كوردستانییه‌كانی ده‌ره‌وه‌ی هه‌رێمی كوردستان له‌په‌رله‌مانی كوردستان كۆببێته‌وه‌.

له‌و باره‌یه‌وه‌ عه‌بدولناسر ئه‌حمه‌د بڕیارده‌ری لیژنه‌ی ناوچه‌ كوردستانییه‌كانی ده‌ره‌وه‌ی هه‌رێمی كوردستان له‌ په‌رله‌مانی كوردستان به‌ PUKmedia ی  راگه‌یاند: زانیارییمان هه‌یه‌ كه‌ ژماره‌یه‌كی زۆر عه‌ره‌بی هاورده‌ هێنراونه‌ته‌ ناوچه‌ كوردستانییه‌كانی ده‌ره‌وه‌ی هه‌رێمی كوردستان و بۆ ئه‌و مه‌به‌سته‌ش وه‌ك لیژنه‌ی په‌یوه‌ندیدار له‌په‌رله‌مانی كوردستان رێكاره‌ یاساییه‌كان ده‌گرینه‌ به‌ر.

وتیشی: له‌گه‌ڵ هه‌مواری ده‌ستوور، ئه‌گه‌ر هه‌مواری مادده‌ی 140ی ده‌ستوور بكرێت، پێویسته‌ كه‌سی پسپۆڕی كورد به‌ڕێژه‌یه‌كی به‌رچاو ئه‌ندامی لیژنه‌ی هه‌مواری ده‌ستووری عیراق بن تا رێگه‌ نه‌درێت مافی كورد له‌و مادده‌یه‌و مادده‌كانی دیكه‌دا پێشێل بكرێت، چونكه‌ هه‌وڵێك هه‌یه‌ كه‌ مادده‌ی 140 ده‌ستكاری بكرێت.

PUKmedia دیار عه‌بدولستار شارباژێڕی