riklam

سه‌ركه‌وتنی كۆنفرانسه‌كان..

بیروڕا 09:39 PM - 2019-12-01
.

.

هه‌نگاوێكی گرنگه‌ بۆ به‌ستنی كۆنگره‌ی چواره‌م

ڕێبوار ستار
وه‌ك لای هه‌مووان ڕوون و ئاشكرایه‌ یه‌كێتی نیشتمانی كوردستان ساڵانێكه‌ كۆنگره‌ی نه‌به‌ستوه‌ هۆكاره‌كه‌شی به‌شێكی زۆری ئه‌و قه‌یرانانه‌ بووه‌ كه‌ ڕوبه‌ڕوی هه‌رێمی كوردستان و عێراق بۆته‌وه‌ به‌ تایبه‌تیش شه‌ڕی (داعش) كه‌ یه‌كێتی پشكی شێری به‌رده‌كه‌وێت له‌ شه‌ڕی داعش دا قوربانی زۆریشی دا هه‌روه‌ها هه‌ندێ كێشه‌ی ناوخۆی ئه‌وكاته‌ی یه‌كێتی كه‌ ئه‌ویش هۆكارێك بووه‌ بۆ نه‌به‌ستنی چواره‌مین كۆنگره‌، زۆر جا هه‌وڵدرا كار بۆ ئه‌وه‌ بكرێ بتوانرێت كۆنگره‌ ببه‌سترێت دواجار هه‌وڵه‌كان سه‌ركه‌وتو نه‌ده‌بوو، چه‌ندین جاریش لیژنه‌ پێك هێنراوه‌ بۆ دۆسیه‌كانی كۆنگره‌ كه‌له‌ چه‌ندین لیژنه‌ی جۆراو جۆر پێك ده‌هات به‌ڵام نه‌ده‌گه‌یشته‌ ئامانج وه‌ك ده‌بینین چه‌ند مانگێكه‌ ئیراده‌یه‌كی به‌هێز له‌ناو هه‌ڤاڵان و كادرانی یه‌كێتی و بگره‌ سه‌ركردایه‌تیش بڕوای ته‌واویان هێناوه‌ كه‌ ئیتر پێویسته‌ كۆنگره‌ی چواره‌م ببه‌سترێت ئه‌م هه‌وره‌ ڕه‌شه‌ بڕه‌وێته‌وه‌ كه‌ باڵای یه‌كێتی گرتووه‌ دوای چه‌ندین كۆبونه‌وه‌ی(م.س) و مه‌كته‌بی ڕێكخستن و مه‌كته‌به‌كان و به‌شێكی زۆری ئۆرگانه‌كان توانرا بڕیار له‌سه‌ر به‌ستنی چواره‌مین كۆنگره‌ بدرێت له‌ مانگی (12) دا ، بۆ ئه‌و مه‌به‌سته‌ كۆمسیۆنی باڵای كۆنگره‌ پێك هێنرا، دواتر لیژنه‌ی باڵای هه‌ڵبژاردنه‌كان كه‌ پێك هاته‌ی ئۆرگانه‌كانی یه‌كێتی نیشتمانی كوردستانه‌و بریتییه‌ له‌ (ده‌زگای هه‌ڵبژاردنه‌كان)  و(مه‌كته‌ب رێكخستن)و(ئه‌نجومه‌نی ناوه‌ند)  و(مه‌كته‌ب دارایی و ئیداره‌ی گشتی) كه‌ ئه‌م لیژنه‌یه‌ هه‌ڤاڵ ڕزگار عه‌لی سه‌رۆكیه‌تی ،ئه‌م لیژنه‌یه‌ له‌ یه‌كه‌مین كۆبونه‌وه‌ی خۆیدا بڕیاری دا كه‌ به‌جدی كار بكات و بتوانێت كۆنفرانسی ئۆرگانه‌كان به‌زوترین كات جێبه‌جێ بكات. بۆ ئه‌م مه‌به‌سته‌ چه‌ندین یاسا و ڕێسا و ڕێنمایی پێویستی ده‌ركرد و بڕیاری دا كه‌ سه‌ره‌تا كۆنفرانسی كۆمیته‌كان رێك بخات دوای ئه‌وه‌ی به‌ ڕاوێژ له‌گه‌ڵ مه‌ڵبه‌نده‌كاندا دواتر له‌ ڕۆژی (17-11-2019) كۆنفرانسی كۆمیته‌كان ده‌ستی پێكرد، توانرا هه‌نگاوێكی بوێرانه‌ بنرێت ببێته‌ سه‌ره‌تایه‌كی باش بۆكۆنفرانسه‌كانی تریش، هه‌روه‌ها بوه‌ هۆی جارێكی تر جۆشدانی ڕێكخستنه‌كان و گڕوتینێكی داوه‌ به‌ ئۆرگانه‌كان هه‌موو به‌ په‌رۆشه‌وه‌ كار بۆ سه‌رخستنی ئه‌م پرۆسه‌یه‌ ده‌كه‌ن ئێستا هه‌موو سه‌رگه‌رمی كۆنفرانسی مه‌ڵبه‌نده‌كان و هه‌ڤاڵان بۆ ئه‌ندامێتی كۆنفرانسی مه‌ڵبه‌نده‌كان سه‌رقاڵی پروپاگه‌نده‌ن بۆ خۆیان تابتوانن متمانه‌ی هه‌ڤاڵه‌كانیان به‌ده‌ست بێنن تا ببنه‌ نوێنه‌ریان له‌ كۆنگره‌ی داهاتوودا بۆ سه‌ركه‌وتنی كۆنفرانسی مه‌ڵبه‌نده‌كان ده‌بێته‌ هه‌نگاوێكی گرنگ و كاریگه‌ر بۆ به‌ستنی چواره‌مین كۆنگره‌ی یه‌كێتی.

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket