له‌درێژه‌ی كار و چالاكییه‌كانیدا، ساڵۆنی كوردستانی نوێ سه‌عات 10:30 به‌یانی ئه‌مڕۆ یه‌كشه‌ممه‌ 1-12-2019  به‌بۆنه‌ی هه‌فته‌ی به‌ره‌نگاربوونه‌وه‌ی توندوتیژی دژی ژنان كۆڕێك به‌ناونیشانی " ڕه‌گه‌زی مێینه‌ یان ژن له‌به‌رده‌م توندوتیژی شاراوه‌دا بۆ د. نه‌زاكه‌ت حسێن مامۆستای زانكۆ ڕێكخست.

له‌كۆڕه‌كه‌دا د. نه‌زاكه‌ت حسێن به‌ وردی ئاماژه‌ به‌ هۆكاره‌كانی توندوتیژی له‌دژی ژنان له‌ناو جیهانی سۆشیاڵدا كرد و ئاماژه‌ به‌ ئامار و داتاكانی توندوتیژی له‌دژی ژنان له‌ هه‌رێمی كوردستانكرد.

پاشان ئاماده‌بوان ڕا و تێبینی و سه‌رنجی خۆیان سه‌باره‌ت به‌ بابه‌ته‌كه‌ خسته‌ڕوو.

PUKmedia وێنه‌/ حه‌مه‌ عومه‌ر