هۆكاره‌كانی توشبوون به‌شێرپه‌نجه‌ی گه‌ده‌

.

سه‌رچاوه‌ پزیشكییه‌كان وتوێژینه‌وه‌كان ئاماژه‌ به‌وه‌ ده‌ده‌ن كه‌چه‌ند شتێك ده‌بنه‌ هۆكار بۆ زیادبوونی مه‌ترسی توشبوون به‌م جۆره‌ی شێرپه‌نجه‌، لــــه‌وانه‌ش:
 
1-مێژووی خێزانی: بونی كه‌سێكی توشبوو له‌خێزاندا , به‌تایبه‌ت كه‌سه‌ نزیكه‌كان ,وه‌ك دایك و باوك , و خوشك و برا, مه‌ترسی توشبوون به‌ شێرپه‌نجه‌ی گه‌ده‌ زیاتر ده‌كات له‌ ئه‌ندامه‌كانی تری ناو ئه‌و خێزانه‌دا.
2-به‌كتریایی (H. pylori) یه‌كێكه‌ له‌ و حاڵه‌ته‌ بڵاوانه‌ی كه‌ توشی زۆرینه‌ی خه‌ڵكی ده‌بێت , و له‌ هه‌ندێك كه‌سدا ده‌بێته‌ هۆی توشبوون به‌ هه‌وكردن و هه‌روه‌ها به‌ برینی گه‌ده‌.    توێژینه‌وه‌كان باس له‌وه‌ ده‌كه‌ن كه‌ ئه‌و كه‌سانه‌ی توشی هه‌وكردنی گه‌ده‌ی درێژخایان و قورس بوون مه‌ترسی توشبوونیان به‌ شێرپه‌نجه‌ی گه‌ده‌ زیاتره‌ له‌ كه‌سانی ئاسایی, گه‌رچی ئه‌و ئه‌گه‌ری توشبوونه‌ هێشتا به‌ بچوك ئه‌ژمار ده‌كرێت.
3-خۆراك :  هه‌ندێك جۆری خۆراك مه‌ترسی توشبوون به‌ شێرپه‌نجه‌ی گه‌ده‌ زیاتر ده‌كه‌ن, له‌وانه‌ش : پیاز, ماسی سوێر, خوێ , به‌ تایبه‌ خۆراك و گۆشتی  سوێر و به‌دووكه‌ڵ ئاماده‌كراو و لێنراو, هه‌روه‌ها خۆراكه‌ چه‌وره‌كان و ئه‌وانه‌ی گۆشتی سوور له‌ پێكهاته‌یاندا هه‌یه‌ .هه‌موو ئه‌مانه‌ مه‌ترسیدارن بۆ توشبوون به‌ شێرپه‌نجه‌ی گه‌ده‌.
 4-ئه‌نجامدانی نه‌شته‌رگه‌ری گه‌ده‌: كه‌سانێك كه‌ نه‌شته‌رگه‌ری گه‌ده‌یان بۆ ئه‌نجام درابێت , به‌ تایبه‌ت نه‌شته‌رگه‌ری لابردنی به‌شێكی گه‌ده‌ ,  ئه‌وا مه‌ترسی توشبوونیان به‌ شێرپه‌نجه‌ی گه‌ده‌ له‌ كه‌سانی  ئاسایی زیاتره‌.
5-زۆر به‌كارهێنانی ده‌رمانه‌كانی دژه‌هه‌وكردن كه‌ به‌ ئه‌نتی بایۆتیك ناسراون.
6-جگه‌ره‌كێشان
7-زۆر به‌كارهێنانی خواردنه‌وه‌ حكولییه‌كان.
 
ئه‌مانه‌ی ئاماژه‌یان پێدرا به‌ته‌نها هۆكاری سه‌ره‌كی نین بۆ توشبوون به‌ نه‌خۆشیه‌كه‌ ، به‌ڵكو مه‌ترسی توشبوون زیاد ده‌كه‌ن.
 
به‌ هیوای ته‌ندروستی بۆ هه‌مووان.

PUKmedia ئاژانسه‌كان