هاوپەیمانی سائیرون پڕۆژە یاسای هەڵبژاردن ڕەتدەكاتەوە

.

هاوپەیمانی سائیرون پڕۆژە یاسای هەڵبژاردنەكان ڕەتدەكاتەوە و پێی وایە پڕۆژەكە دەبێتە مایەی بەهێزكردنی ئیرادەی حزبە سیاسییەكان و مانەوەیان لە دەسەڵات.

سەلام شەمەری پەرلەمانتاری هاوپەیمانی سائیرون ئاماژەی بەوەكردووە، مەرجەعیەتی باڵای شیعەكان جەخت لەسەر بەردەوامبوون لە بەدیهێنانی داخوازییە ڕەواكانی خۆپیشاندەران دەكاتەوە نەك داڕشتنی پڕۆژە یاسای بەشبەشێنە و خۆدزینەوە لە داواكاری و قوربانیدانی خۆپیشاندەران بۆ چاكسازی گشتگیر.

وتیشی: حكومەت هەوڵدەدات گرەو لەسەر كات بكات بۆ كۆتایهێنان بە خۆپیشاندانەكان، جگە لەوەش ڕێوشوێنی تری گرتووەتەبەر كە بووەتە هۆی كوشتن و برینداركردنی خۆپیشاندەران و ڕای گشتیش ئاگادار نیە كێ لە پشت ڕفاندنی چالاكوانانەوەیە.

بە وتەی ئەو پەرلەمانتارە، پڕۆژە یاسای هەڵبژاردنەكان كە لەلایەن حكومەتەوە ئامادەكراوە و نێردراوە بۆ ئەنجومەنی نوێنەران ئیرادەی لایەنە سیاسییەكان و مانەوەیان لە دەسەڵات دەستبەردەكات، ئەوەش پێچەوانەی ئامۆژگارییەكانی مەرجەعیەتی باڵایە.

PUKmedia  كوردسات نیوز