ئەنجومەنی نوێنەرانی عیراق لێپرسینەوە لە دوو وەزیر دەكات

.

بڕیارە لەدانیشتنی ئەم هەفتەیەدا ئەنجومەنی نوێنەرانی عیراق، بەمەبەستی لێپرسینەوە لەسەر چۆنێتی بەڕێوەبردنی كارەكانیان، بانگهێشتی هەردوو وەزیری سناعە و كشتوكاڵ بكات.

لەوبارەیەوە ئەڵماس فازیل سەرۆكی لیژنەی یاسایی ئەنجومەنی نوێنەرانی عیراق بە PUKmedia ی راگەیاند: یەكێك لەوبابەتانەی خوێندنەوەی بۆكراوەو تەواو بووە، قانونی مەحكەمەی ئیتیحادییە بەڵام هەندێك كێشەی سیاسی لەسەرە بۆیە یەكلا نەبووەتەوە.

وتیشی: لەئێستاشدا یاسای كۆمسیۆنی باڵای هەڵبژاردنەكان پێشنیاركراوە و لەلایەن عیراقیشەوە تەئكیدی كراوەتە سەر و گەیشتووەتە لیژنەی قانونی لە ئێستادا كاری لەسەر دەكرێت.

ئەڵماس فازیل ئاماژەی بەوەشكرد، لەدانیشتنی ئەم هەفتەیەشدا لێپرسینەوە لە وەزیری سناعە و كشتوكاڵ دەكرێت و دواتریش وەزیرەكانی تر، كە پەیوەستە بە لێپرسینەوە لەكارەكانیان.

PUKmedia  تاژاو محەمەد