قوباد تاڵه‌بانی: هه‌موومان قه‌رزداری خاتوو ئه‌گنیتاین

.

به‌بۆنه‌ی كۆچی دوایی خاتوو ئه‌گنیتا هاوسه‌ری عومه‌ر شێخمووس ئه‌ندامی ده‌سته‌ی دامه‌زرێنه‌ری یه‌كێتیی نیشتمانیی كوردستان، قوباد تاڵه‌بانی جێگیری سه‌رۆكی ئه‌نجومه‌نی وه‌زیران پرسه‌نامه‌یه‌ك ئاڕاسته‌ی عومه‌ر شێخمووس ده‌كات كه‌ ئه‌مه‌ ده‌قه‌كه‌یه‌تی:

هه‌ڤاڵی به‌ڕێز عومه‌ر شێخموس

سڵاوێكی گه‌رم..

هه‌واڵی كۆچی دوایی خاتوو (ئه‌گنیتا) ی هاوژینی به‌ڕێزتان و یه‌كه‌مین پێشمه‌رگه‌ی بیانی ناو ریزه‌كانی یه‌كێتی نیشتمانی كوردستان له‌دڵه‌وه‌ خه‌مبار و نیگه‌رانی كردم.

كۆچكردوو له‌ڕۆژگارێكی سه‌ختدا و له‌سه‌ره‌تای ساڵانی هه‌شتا، وڵاتی سویدی و خۆشگوزه‌رانییه‌كانی ژیانی رۆژئاوای جێهێشت و به‌ هه‌ڵگرتنی چه‌كی شه‌ره‌فی كوردایه‌تی و پێشمه‌رگایه‌تی له‌ شاخه‌كانی كوردستان هه‌موومانی قه‌رزار و له‌ هه‌مان كاتیشدا له‌به‌رچاوی دنیا سه‌ربه‌رز كرد.

به‌م بۆنه‌ كاره‌ساتباره‌وه‌ خۆم به‌هاوبه‌شی خه‌متان ده‌زانم و پرسه‌و سه‌ره‌خۆشی گه‌رم ئاڕاسته‌ی ئێوه‌ی تێكۆشه‌ر و ھاوڕێی و هاوسه‌نگه‌ری مام جه‌لال و خێزان و دۆستان و ئه‌زیزانی (ئه‌گنیتا خان) ده‌كه‌م.

به‌هه‌شتی به‌رین و نه‌مریی هه‌میشه‌یی بۆ كۆچكردوو بێت و سه‌بوری و ئارامگرتنیش بۆ به‌ڕێزتان له‌خوای گه‌وره‌ داواكارم.

روحی شاد بێت

قوباد تاڵه‌بانی
جێگری سه‌رۆكی ئه‌نجومه‌نی وه‌زیران

PUKmedia