وه‌زیری پلاندانان: هاوكارییه‌كانی ئه‌ڵمانیا بۆ هه‌رێم گرنگه‌

.

ئه‌مڕۆ 19-11-2019، له‌دیوانی وه‌زاره‌ت د. دارا ڕه‌شید وه‌زیری پلاندانان پێشوازیكرد له‌ سڤێن كڕاوسپێ‌ كونسوڵی گشتی ئه‌لمَانیا به‌وه‌كاله‌ت له‌هه‌رێم و رۆلاند لاوكنه‌ره‌ به‌رێوه‌به‌ریGIZ  ی ئه‌ڵمانیا له‌ عیراق.

له‌دیدارێكدا گفتوگۆ له‌باره‌ی پرۆژه‌كانی داهاتووی GIZ  له‌هه‌رێمی كوردستان كرا تایبه‌ت له‌په‌ره‌پێدانی ژێرخانی ئابواری هه‌رێم و هه‌نگاونان بۆ جێبه‌جێ كردنی خزمه‌تگوزارییه‌ كۆمه‌ڵایه‌تییه‌كان و ده‌رفه‌تی هه‌لی كار و په‌ره‌پێدانی كه‌رتی تایبه‌ت له‌شاره‌كانی هه‌ولێرو سلێمانی و دهۆك و هه‌ڵه‌بجه‌.

له‌به‌شێكی تری دیداره‌كه‌ وه‌زیری پلاندانان داوای له‌حكومه‌تی ئه‌ڵمانیا و GIZ و كۆمپانیاكانی ئه‌و وڵاته‌كرد به‌رده‌وامی به‌پرۆژه‌كانیان بده‌ن به‌تایبه‌ت ئه‌و پرۆژه‌ گرنگانه‌ی كه‌ په‌یوه‌ندی ڕاسته‌وخۆیان به‌دانیشتوانی هه‌رێمی كوردستانه‌وه‌ هه‌یه‌" دواتر وه‌زیری پلاندانان باسی له‌ پلان و روئیای حكومه‌تی هه‌رێم و وه‌زاره‌تی پلاندانان كرد بۆ چوار ساڵی داهاتوو كه‌ له‌رێگه‌ی دارشتنی پلانی ستراتیژی كار له‌سه‌ر ئه‌نجامدانی چاكسازی له‌دامه‌زاروه‌كان و هاندانی كه‌رتی تاییه‌ت بۆ هاوبه‌شی كردن له‌گه‌ڵ حكومه‌ت بۆ ئه‌نجامدانی پرۆژه‌كان.

پاشان وه‌زیری پلاندانان سوپاسی هه‌وڵه‌كانی رابردووی كونسوڵخانه‌ی ئه‌ڵمانیا و GIZ ی ئه‌ڵمانیان كرد كه‌ له‌ سێكته‌ره‌ جیاجیاكان پرۆژه‌ی گرنگیان به‌هاوبه‌شی حكومه‌تی هه‌رێم ئه‌نجامداوه‌.

PUKmedia ڕاگه‌یاندنی وه‌زاره‌تی پلاندانان