كه‌لار .. خانوو بۆ فه‌رمانبه‌ران و هێزه‌ ئه‌منیه‌كان دروست ده‌كرێت

.

وابڕیاره‌ له‌ سنوری قه‌زای كه‌لار ژماره‌یه‌ك یه‌كه‌ی نیشته‌جێبوون بۆ فه‌رمانبه‌ران و كارمه‌ندانی ئاسایش و پۆلیس دروست بكرێن.

رزگار وه‌هاب، سه‌رۆكی لیژنه‌ی دابه‌شكردنی فۆرمی یه‌كه‌ی نیشته‌جێبوونی فه‌رمانبه‌ران له‌گه‌رمیان رایگه‌یاندوه‌:" سه‌باره‌ت به‌یه‌كه‌كانی نیشته‌جێبوونی كۆمپانیای سه‌رگرمه‌، له‌گه‌ڵ یه‌كێتی فه‌رمانبه‌ران له‌گه‌ڵ كۆمپانیاكه‌ له‌سه‌رھێڵین بۆ ئه‌وه‌ی له‌سه‌رچۆنیه‌تی نرخ رێكبه‌كه‌وین".

رونیشكردوه‌ته‌وه‌: ئێمه‌ده‌مانه‌وێت نرخه‌كان به‌جۆرێك بێت ره‌چاوی داھاتی فه‌رمانبه‌ران بكرێت و زۆرترین فه‌رمانبه‌ر سودمه‌ندبن له‌و پرۆژه‌یه‌".

ئه‌وه‌شی وتووه‌: ھه‌فته‌ی داھاتوو، فۆرم به‌سه‌ركارمه‌ندانی ئاسایش و پۆلیسی ناوخۆ دابه‌شده‌كرێت كه‌پرۆژه‌كه‌ی ئه‌وان له‌لایه‌ن دوو كۆمپانیاوه‌ جێبه‌جێ ده‌كرێن".

PUKmedia تایبه‌ت