سەرۆك كۆمار: پاچەچی پشتیوانی گەلان بوو دژ بەدیكتاتۆریەت

.

سەرۆك كۆمار د. بەرهەم ساڵح ئەمڕۆ 18ی تشرینی دووەمی 2019، بەبۆنەی ماڵئاوایی خوالێخۆشبوو عەدنان پاچەچی ‌پەیامێكی سەرەخۆشی ئاڕاستەی ‌خانەوادەكەی كرد.

ئەمەش دەقەكەیەتی:

بۆ خانەوادەی خوالێخۆشبوو عەدنان پاچەچی

بەداخ و پەژارەیەكی زۆرەوە، ھەواڵی كۆچی دوایی كەسایەتی نیشتمانی و دیبلۆماتكار و خەباتگێڕ لە پێناو ئازادی و دیموكراسی، خوالێخۆشبوو (عەدنان پاچەچی) مان پێگەیشت.

خوالێخۆشبوو هەمیشە پشتیوانی گەلان بوو دژ بەدیكتاتۆریەت و لە ھەمان كاتدا كاری زۆری كردووە لە پێناو ھێنانەدی دیموكراسی لە عيراقدا.

بەم بۆنە خەمبارەوە پرسەو سەرەخۆشی خۆم ئاڕاستەی كەسوكارو ھەموو دۆستان و ھاوڕێیانی خوالێخۆشبوو دەكەین، خودای گەورە بە بەھەشتی بەرینی شاد بكات و سەبووری خانەوادەكەیان بدات.

انا للە وانا الیە راجعون

د. بەرهەم ساڵح

سەرۆك كۆمار

PUKmedia