كه‌سێك له‌سلێمانی به‌دراوی‌ ساخته‌وه‌ ده‌ستگیرده‌كرێت

.

مه‌فره‌زه‌كانی‌ بنكه‌ی‌ پۆلیسی‌ سه‌را تۆمه‌تبارێكیان ده‌ستگیركرد كه‌ بڕی‌ 600 دۆلاری‌ ئه‌مریكی‌ ساخته‌ی‌ پێبوه‌و به‌نیاز بووه‌ له‌ناو بازاڕی‌ شاری‌ سلێمانیدا ساخی‌ بكاته‌وه‌.

پاش چاودێریكردن‌و كۆكردنه‌وه‌ی‌ زانیاری‌ ورد له‌سه‌ر تۆمه‌تباره‌كه‌، له‌لایه‌ن مه‌فره‌زه‌كانی‌ بنكه‌ی‌ پۆلیسی‌ سه‌راوه‌ توانرا تۆمه‌تباره‌كه‌ ده‌ستگیر بكرێت كه‌ به‌ڕه‌گه‌ز ئێرانییه‌.

له‌ئێستادا تۆمه‌تبار به‌پێی‌ مادده‌ی‌ (٢٨٩-٢٩١) له‌یاسای‌ سزادانی‌ عێراقی‌ ڕاگیراوه‌و په‌ڕاوی‌ لێكۆڵینه‌وه‌ بۆ تۆمه‌تبار كراوه‌ته‌وه‌و دۆسیه‌كه‌ی‌ ڕه‌وانه‌ی‌ به‌شی‌ پۆلیسی‌ نه‌هێشتنی‌ تاوان كراوه‌، به‌مه‌به‌ستی‌ لێكۆڵینه‌وه‌ی‌ زیاتر.

PUKmedia راگه‌یاندنی ‌پۆلیسی‌ سلێمانی‌