120 ئۆتۆمبێلی BMW بۆهاوسه‌رو نه‌وه‌كانی ده‌كڕێت

.

پاشای وڵاتی سوازیله‌ند  كه‌ بچوكترین و هه‌ژارترین وڵاتی كیشوه‌ری ئه‌فریقایه‌، 120 ئۆتۆمبێلی BMW و 19 ئۆتۆبلی رۆولزسرویسی بۆ هاوسه‌رو نه‌وه‌كانی كڕی.

رۆژنامه‌ی تایم لایڤ، بڵاویكردوه‌ته‌وه‌:" مسواتی سێیه‌م پاشای وڵاتی سوازیله‌ند، سه‌ره‌ڕای هه‌ژاری و كێشه‌ی ئابوری وڵاته‌كه‌ی، 120 ئۆتۆمبێلی جۆری BMW و 19 ئۆتۆمبێلی جۆری رۆولزسرویسی بۆ هاوسه‌رو منداڵ و نه‌وه‌كانی و خزم و كه‌سوكاره‌كه‌ی كڕیوه‌".

به‌پێی راپۆرته‌كه‌، پاشای سوایزله‌ند ویستویه‌تی ئه‌و كاره‌ به‌شێوه‌یه‌كی نهێنی ئه‌نجام بدات، به‌ڵام له‌كاتی گواستنه‌وه‌یاندا چه‌ند وێنه‌یه‌ك دزه‌یكردوه‌ته‌ تۆڕه‌ كۆمه‌ڵایه‌تی و پێگه‌ ئه‌لیكترۆنیه‌كان، ئه‌مه‌ش وایكردوه‌ ناڕه‌زایه‌تیه‌كی زۆری لێبكه‌وێته‌وه‌و داوای خۆپیشاندانی سه‌ره‌تاسه‌ری له‌و وڵاته‌ ده‌كرێت.

PUKmedia ئاژانسه‌كان