كۆنفرانسی كۆمیته‌كان كۆتایی هات

.

ئێواره‌ی ئه‌مڕۆ شه‌ممه‌ 16-11-2019 ، پرۆسه‌ی هه‌ڵبژاردنی كۆمیته‌كانی سنووری كه‌ركوك به‌ سه‌ركه‌وتوویی كۆتایی هات و له‌كۆتایی پرۆسه‌كه‌شدا جه‌زا سه‌ید مه‌جید سه‌رۆكی لیژنه‌ی كۆنفرانسی كۆمیته‌كانی سنووری پارێزگای كه‌ركوك له‌كۆنگره‌یه‌كی رۆژنامه‌وانیدا سه‌ركه‌وتنی پرۆسه‌كه‌ی راگه‌یاند.

وتیشی: بۆ جارێكی دیكه‌ كه‌ركوك سه‌لماندی كه‌پشتوپه‌نای یه‌كێتییه‌، بۆیه‌ پرۆسه‌ی به‌ڕێوه‌چوونی كۆنفراسی كۆمیته‌كانی سنووره‌كه‌ به‌شێوه‌یه‌كی زۆری باش به‌بێ هیچ كێشه‌یه‌ك كۆتایی هات و كادیران و ئه‌ندامانی یه‌كێتی نوێنه‌ری خۆیان به‌بێ سانسۆرو به‌شێوه‌یه‌كی دیموكراسیانه‌و شه‌فاف هه‌ڵبژارد.

 ئه‌وه‌شی خسته‌ڕوو: رێژه‌ی به‌شداری ژنان له‌پرۆسه‌كه‌دا به‌شێوه‌یه‌كی به‌رچاو بووه‌و ئه‌وه‌ش جێگه‌ی دڵخۆشییه‌ بۆ یه‌كێتییه‌كان.

PUKmedia تایبه‌ت