نەوت بۆ خوێندنگاکانی هەرێم دابیندەکرێت

.

وەزیری پەروەردەی هەرێم رایگەیاند کە نەوتی سپی بۆ سەرجەم خوێندنگاکانی هەرێمی کوردستان دابینکراوە.

ئالان حەمە سەعید وەزیری پەروەردەی هەرێمی كوردستان لە لێدوانێكیدا رایگەیاند: لە هەموو هەرێمی كوردستاندا بەبڕیاری ئەنجومەنی وەزیران زیاتر لە 5 ملیۆن لیتر نەوتی سپی بۆ سەرجەم خوێندنگاكان دابینكراوە.

وتیشی: لەو بڕە زیاتر لە یەك ملیۆن و نیو لیتر نەوتی سپی بۆ خوێندنگاكانی سنووری پارێزگای سلێمانیە.

وەزیری پەروەردە ئاماژەی بەوەش كرد تا كۆتایی 2019 سەرجەم قوتابخانەكان نەوتی سپیان پێدەگات.

PUKmedia