نەتەوە یەكگرتووەكان پێشنیار دەداتە ئەنجومەنی نوێنەران

.

سبەینێ ئەنجومەنی نوێنەران دانیشتنی ئاسایی خۆی ئەنجامدەدات و نوێنەرێكی نەتەوە یەكگرتووەكانیش بەشداریی تێدا دەكات و چەند پێشنیارێك دەخاتەروو.

حسێن نەرمۆ ئەندامی فراكسیۆنی یەكێتی لە ئەنجومەنی نوێنەران بە PUKmedia ی راگەیاند: سبەینێ چوار شەممە 13-11-2019، ئەنجومەنی نوێنەران دانیشتنی ئاسایی خۆی ئەنجامدەدات و جینین هینیس بلاسخارت وەك نوێنەری نەتەوە یەكگرتووەكان بەشداریی دەكات بەمەبەستی خستنەرووی چەند پێشنیارێك سەبارەت بە بارودۆخی ئێستای عیراق و خۆپیشاندانەكان.

وتیشی: جینین هینیس بلاسخارت پێشتر سەردانی گۆڕەپانی تەحریری كردووە و لەگەڵ خۆپیشاندەراندا گفتوگۆی كردووە و گوێی بۆ داواكارییەكانیان گرتووە.

PUKmedia تایبەت