كۆسرەت ڕەسوڵ پیرۆزبایی لە موسوڵمانان دەكات

.

كۆسرەت ڕەسول عەلی جێگری سكرتێری گشتی یەكێتیی نیشتمانیی كوردستان، لەپەیامێكدا لەدایكبوونی پێغەمبەر (د.خ) لە موسڵمانان پیرۆز دەكات.

دەقی پەیامەكە...
‎

بەناوی خوای گەورەو میهرەبان
‎

بەبۆنەی یادی لەدایكبوونی پێغەمبەری ئیسلام محەمەد (د. خ) گەرمترین پیرۆزبایی ئاراستەی موسڵمانانی جیهان و موسڵمانانی كورد دەكەم و هیواخوازم ئەم یادە پیرۆزە ببێتە هەوێنی ئاشتی و پێكەوەژیانی نێوان نەتەوەو ئاینە جیاوازەكان و هەموومان پێكەوە كاربكەین بۆ ژیانێكی خۆشگوزەران و ئارام و لێكتێگەیشتن.
‎

بەدەرفەتیشی دەزانم یادی لەدایكبوونی سەروەری مرۆڤایەتی و پەیامی ئاشتی و پێكەوەژیانی بكەینە هەوێنی سەقامگیری لە ناوچەكەمان و بەڕێزگرتن لەبیروڕای یەكتر و جیاوازی ئایینی و نەتەوەیی دەتوانین ژیانێكی خۆشتر و ئاسوودەترمان هەبێت.

‎كۆسرەت ڕەسول عەلی
‎جێگری سكرتێری گشتی
‎یەكێتیی نیشتمانیی كوردستان

PUKmedia  تایبەت