riklam

شاناز براهیم ئه‌حمه‌د: بادینان بۆ یه‌كێتی جێگه‌ی بایه‌خ و گرنگیدان بووه‌

ی.ن.ک‌‌ 08:54 PM - 2019-11-07
.

.

ئه‌مڕۆ 7-11-2019، شاناز براهیم ئه‌حمه‌د، له‌چوارچێوه‌ی دیدار و كۆبوونه‌وه‌كانیدا، له‌ قه‌زای ئاكرێ و ناحیه‌ی دینارته‌، كۆمیته‌كانی (ئاكرێ، ئاشتی و دینارته‌)ی به‌سه‌ركرده‌وه‌ و له‌گه‌ڵ لێپرسراو و ئه‌ندامانی ئه‌نجومه‌نی كۆمیته‌ و تێكۆشه‌ره‌ دێرینه‌كان و كادران و ڕێكخستنه‌كانی سنوره‌كه‌ كۆبۆوه‌.

له‌دیدار و كۆبونه‌وه‌كانیدا، شاناز براهیم ئه‌حمه‌د، ستایشی هه‌ڤاڵان و كادرانی سنووره‌كه‌ی كرد و ڕایگه‌یاند،  بینین و دیداری كادر و هه‌ڤاڵانی سنووری بادینان زۆرخۆشحاڵی كردم، تێكۆشان و قوربانی ئێوه‌ له‌ناو ریزه‌كانی یه‌كێتیدا هه‌رگیز له‌بیرناكرێت، ده‌بێت زیاتر خزمه‌ت بكرێن.

وتیشی: ره‌خنه‌ و پێشنیاز و داوا و هه‌ڵوێسته‌كانتان بۆ به‌ره‌وپێشبردنی زیاتری یه‌كێتی له‌ئێستادا له‌جێگه‌ی خۆیدایه‌ و بۆ خزمه‌تی ئێوه‌ هیچ درێغی ناكه‌م.

دووپاتیكرده‌وه‌، بادینان بۆ یه‌كێتی له‌ هه‌موو قۆناغ و سه‌رده‌مه‌كاندا جێگه‌ی بایه‌خ و گرنگیدان بوه‌ و ده‌بێت.

هه‌ر له‌میانه‌ی دیدار و كۆبونه‌وه‌كاندا، ژماره‌یه‌ك له‌هه‌ڤاڵان ڕاشكاوانه‌ تێڕوانین و بیروڕای خۆیان له‌سه‌ر دۆخی یه‌كێتی و پێگه‌ و ڕۆڵ كادرانی یه‌كێتی له‌سنوری بادینان و به‌ستنی كۆنگره‌ خسته‌ڕو و جه‌ختیان له‌وه‌شكرده‌وه‌ كه‌ هه‌ر له‌سه‌ر رێبازه‌كه‌ی سه‌رۆك مام جه‌لال به‌رده‌وام ده‌بن.

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket