كۆمپانیایه‌كی فڕۆكه‌وانی ئه‌ڵمانی 1300گه‌شت هه‌ڵده‌وه‌شێنێته‌وه‌

.

دوای ئه‌وه‌ی هه‌وڵه‌كانی گه‌وره‌ كۆمپانیای به‌ناوبانگی فرۆكه‌وانی لۆفتهانزه‌ی ئه‌ڵمانی له‌به‌رده‌م دادگای ئه‌ڵمانیدا بۆ رێگه‌گرتن له‌مانگرتنی سه‌ندیكای كارمه‌ندانی خزمه‌تگوزاری گه‌شته‌كانی شكستی هێنا، بڕیاریدا به‌هه‌ڵوه‌شاندنه‌وه‌ی 1300 گه‌شت له‌كۆی 6  هه‌زار گه‌شت له‌وانه‌ش 7 سه‌د گه‌شتی ئه‌مڕۆ پێنج شه‌ممه‌ 6ی تشرینی دووه‌می 2019 و 6 سه‌د گه‌شتیش ڕۆژی هه‌ینییه‌.

ئه‌گه‌رچی مانگرتنه‌كه‌ كۆمپانیاكانی سه‌ربه‌لۆفتهانزه‌ ناگرێته‌وه‌ وه‌ك كۆمپانیای "سویس و ئۆستریاو ئیدل فایس وهێڵی ئاسمانی به‌لجیكی، به‌ڵام گه‌شته‌كانی ئه‌م كۆمپانیایانه‌ش كێشه‌ی تێده‌كه‌وێت .

سه‌ندیكای Ufoی فڕۆكه‌وانی ڕایگه‌یاندوه‌، ئه‌وان مافی فراوانكردنی مانگرتنه‌كه‌یان هه‌یه‌ به‌و كۆمپانیایانه‌شه‌وه‌ كه‌سه‌ر به‌لۆفتهانزه‌ن، كۆمپانیای زه‌به‌لاحی فرۆكه‌وانی لۆفتهانزه‌ی ئه‌ڵمانی له‌به‌رده‌م دادگای كاری فرانكفۆرت دا شكستی هێنا، به‌ڵام بڕیاریدا خۆڕاگربێت و داوای تێهه‌ڵچونه‌وه‌ له‌به‌رده‌م دادگای كاری هه‌رێمی هێسن دا بكات، ئه‌مه‌ش ئه‌گه‌ری ئه‌وه‌ ده‌به‌خشێت دانیشتنێكی تر له‌سه‌ر ڕاده‌ی یاسایی بوونی ئه‌و مانگرتنه‌ی سه‌ندیكای Ufo بكرێت .

PUKmedia شیهاب عوسمان- ئه‌ڵمانیا

س: ئاژانسی هه‌واڵی ئه‌ڵمانی