خوێندنی باڵا: هەموو هەوڵێك بۆ پەرەپێدانی توێژینەوە دەخەینەگەڕ
کوردستان 11:58 AM - 2019-11-06.
لە كۆبونەوەیەكدا لەگەڵ بەشدارانی سێیەمین كۆنگریسی نێودەوڵەتی خوێندنی كوردی، وەزیری خوێندنی باڵا و توێژینەوەی زانستی رایگەیاند، بۆ هاندانی توێژەران و پەرەپێدانی توێژینەوەی زانستی لە زانكۆكانی كوردستان، لە كارنامەی چوار ساڵی كاركردندا تەرخانكردنی بودجەیەكی تایبەت بۆ توێژینەوەی زانستی لەخاڵە سەرەكییەكاندایە.
ئەم لێدوانەی د. ئارام محمد قادر وەزیری خوێندنی باڵا و توێژینەوەی زانستی، لەمیانی كۆبونەوەیەكدا هات لەگەڵ بەشدارانی سێیەمین كۆنگریسی نێودەوڵەتی خوێندنی كوردی، كە لەلایەن ئینیستیوتی كوردی لە پاریس، بەهاوكاری زانكۆكانی كۆیە و زاخۆ بە پشتیوانی وەزارەتی دەرەوەی فەرەنسا ئەنجامدرابوو.
لە كۆبونەوەكەدا، كە كەنداڵ نەزان سەرۆكی ئینستیوتی كوردی لە پاریس و نەزەند بەگیخانی و، د. وەلی محمد سەرۆكی زانكۆی كۆیە و، د. داود سلێمان بەڕێوەبەری گشتی فەرمانگەی ئەندازە و پرۆژەكان لە وەزارەت و، ژمارەیەك لە توێژەرانی نێودەوڵەتی ئامادەیبون، بەشداران ئاماژەیان بە كارەكانی بەڕێوەچونی سێیەمین كۆنگریسی كوردی كرد، بەتایبەت ئەو بابەت و تەوەرە گرنگانەی خراونەتەڕو و، واش بڕیارە لە ڕاسپاردەكاندا بخرێتە بەردەستی وەزارەت بەمەبەستی پەسەندكردن و خستنە بواری جێبەجێ كردنەوە.
د. ئارام محمد قادر وەزیری خوێندنی باڵا و توێژینەوەی زانستی لە وتەیەكدا وێڕای بەرزنرخاندنی وەها كۆنفرانسێكی زانستی لەزانكۆكانی كوردستان، كە ئامانج و ستراتیژی سەرەكی كارەكان بریتییە لە ئەنجامدانی توێژینەوەی زانستی و ئەكادیمی لەبارەی زمان، ئەدەب، كلتور، مێژو، جێندەر، كۆمەڵگە، شوێنەوارناسی، و ڕۆڵی ڕەوەندی كوردی لە دەرەوەی وڵات، ستایشی ئەو هەوڵەی ئینستیوتی كوردی لە پاریس كرد.
وەزیری خوێندنی باڵا و توێژینەوەی زانستی وتیشی: گەلی كورد بەدرێژایی مێژو هەوڵی داوە بەگونجاندن لەگەڵ كۆمەڵگەی نێودەوڵەتی و هاوبەشیكردن لە پڕۆژە و كاری پێكەوەیی وڵاتان دۆست و هاوكاری گەلەكەمان بوون، بۆ ئەم مەبەستە هەماهەنگی وڵاتان بۆ گەلەكەمان لەلایەك بە پێویست و لەلاكەی تریشەوە جێگەی سوپاس و رێزە، بۆیە بە هەمو شێوەیەك پشتیوان و هاوكاری كۆنفرانسەكەتان بوین و چاوەڕێی ڕاسپاردەكان دەبین و بە گرنگەوە كار لەسەر خاڵ و بڕگەكانی دەكەین.
هەر لە وتەكەیدا، د. ئارام محمد قادر ئاماژەی بە پەرەپێدانی توێژینەوەی زانستی و هاندانی توێژەران بۆ ئەنجامدانی توێژینەوە لە گۆڤارە زانستییە ئاست بەرزەكانی دونیا كردو وتی: لە كارنامەی چوار ساڵی كاركردندا تەرخانكردنی بودجەیەكی تایبەت بۆ توێژینەوەی زانستی لەخاڵە سەرەكییەكاندایە و هەموو هەوڵ و پشتیوانیەك بۆ پەرەپێدانی ئاستی توێژینەوە لە وڵاتەكەمان دەخەینەگەڕ.
لە كۆتایی كۆبونەوەكەشدا بەشداران چەند سەرنج و تێبینیەكیان لەبارەی كارەكانی دو رۆژی كۆنگریس و چەند بابەتێكی تر خستەڕو.
جێگەی ئاماژەیە رۆژی دوشەمە رێكەوتی 4-11-2019، سێیەمین كۆنگریسی نێودەوڵەتی خوێندنی كوردی بەڕێوەچو و، تیایدا د. داود سلێمان نوێنەری وەزیری خوێندنی باڵا و توێژینەوەی زانستی وتارێكی پێشكەشكردو تیایدا ئاماژەی بە چەند تەوەر و بابەتێكی گرنگ لەبارەی كۆنگرێسەكە كرد.
PUKmedia راگەیاندنی وەزارەتی خوێندنی باڵا
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19