ئەنجومەنی نوێنەران تاوتوێی داواكاری خۆپیشاندەران دەكات

.

بڕیارە شەممەی داهاتوو ئەنجومەنی نوێنەرانی عیراق بۆ تاوتوێ كردنی داواكاری خۆپیشاندەران و گفتوگۆكردنی چەند پڕۆژە یاسایەك دانیشتنی ئاسایی خۆی ئەنجامبدات.

دیلان غەفور ئەندامی فراكسیۆنی یەكێتی لە ئەنجومەنی نوێنەران بە PUKmedia ی راگەیاند: بڕیارە شەممەی داهاتوو كە دەكاتە 9-11-2019، ئەنجومەنی نوێنەرانی عیراق بۆ تاوتوێ كردنی داواكاری خۆپیشاندەران و گفتوگۆكردنی چەند پڕۆژە یاسایەك دانیشتنی ئاسایی خۆی ئەنجامبدات و بەدواداچوون بۆ كاری لیژنەی هەمواركردنەوەی دەستور بكات.

وتیشی: پێناچێت لەدانیشتنەكەی ئەنجومەنی نوێنەراندا عادل عەبدولمەهدی سەرۆك وەزیرانی عیراق ئامادەبێت چونكە، تا ئێستا هیچ بڕیارێك لەوبارەیەوە نییە.

PUKmedia تایبەت