یۆنان.. كورد داكۆكیكاری هێنانه‌دی ئاشتی و سه‌قامگیریی و چه‌سپاندنی دیموكراسییه‌

یۆنان.. كورد داكۆكیكاری هێنانه‌دی ئاشتی و سه‌قامگیریی و چه‌سپاندنی دیموكراسییه‌


5/11/2019 18:03:00
چاپ کردن
بە وێنەوە    بە بێ وێنە
           
.

رۆژی  4ی تشرینی دووه‌می 2019، به‌سه‌رپه‌رشتی و چاودێریی په‌یوه‌ندییه‌كانی ده‌ره‌وه‌ی حزبی سیریزا و  ئۆرگانه‌كانی باشووری سیریزای ئه‌سینا، كۆڕێك بۆ ره‌وا حه‌مه‌ نوێنه‌ری یه‌كێتیی نیشتمانیی كوردستان له‌یۆنان و نێكتاریۆس بوگدانیس  رێكخه‌ری سیاسه‌تی ده‌ره‌وه‌ی پارتی سیریزای یۆنان و سۆتیریس روسۆس  مامۆستای زانكۆی پێلۆپۆنیسۆ له‌هۆڵی شاره‌وانی ناوچه‌ی ئه‌رگیرۆپولی باشووری ئه‌سینای پایته‌ختی یۆنان به‌ڕێوه‌چوو..

"دابینكردنی مافه‌كانی كورد"
له‌و كۆڕه‌دا ژماره‌یه‌ك له‌سیاسه‌تمه‌دارو رۆشنبیران و بیرمه‌ندان و كه‌سایه‌تی خاوه‌ن ئه‌زموونی یۆنانی و ژماره‌ك له‌هه‌ڤاڵانی یه‌كێتیی نیشتمانیی كوردستان ئاماده‌یبوون، هه‌ڤاڵ ره‌وا رووناكی خسته‌سه‌ر دواین په‌ره‌سه‌ندنه‌كانی ناوچه‌ی خۆرهه‌ڵاتی ناوه‌ڕاست و
هاوكات نێكتاریۆس بوگدانیس و مامۆستا سۆتیریس روسۆس-یش به‌گرنگییه‌وه‌ ئاماژه‌یان بۆ رۆڵی كورد كرد له‌و كێشه‌و ململانێیانه‌داو ئه‌وه‌خرایه‌ڕوو، كه‌ كورد به‌هه‌ستكردن به‌به‌رپرسیارێتی بارودۆخه‌كه‌، وێڕای جه‌ختكردنه‌وه‌ له‌به‌دیهاتنی هه‌موو ئامانجه‌كانی، داكۆكیكاری هێنانه‌دی ئاشتی و سه‌قامگیریی و چه‌سپاندنی دیموكراسییه‌ له‌عیراق و ناوچه‌كه‌و جیهاندا، به‌تایبه‌تی له‌م قۆناغه‌دا كه‌ عیراق به‌قۆناغێكی هه‌ستیاردا تێده‌په‌ڕێت، هه‌موو ئاماژه‌كان سه‌لمێنه‌ری ئه‌و راستییه‌ن كه‌به‌بێ دابینكردنی مافه‌ سه‌ره‌تاییه‌كانی كورد، بنه‌مای سه‌قامگیریی عیراق و دراوسێكانی و خۆرهه‌ڵاتی ناوه‌ڕاستیش پته‌وو تۆكمه‌ نابێت..
 
"یه‌كێتی زامنی پاراستنی ده‌ستكه‌وته‌كانه‌"
نێكتاریۆس بوگدانیس لێپرسراوی رێكخه‌ری سیاسه‌تی ده‌ره‌وه‌ی پارتی سیریزای یۆنان و سۆتیریس روسۆس  مامۆستای زانكۆی پێلۆپۆنیسۆ، هه‌ریه‌كه‌و لای خۆیه‌وه‌ باسێكی مێژووییان سه‌باره‌ت به‌په‌یوه‌ندییه‌كانی یۆنان له‌گه‌ڵ پرسی كوردو سه‌ركردایه‌تی سیاسیی كوردستان، به‌تایبه‌تیی له‌گه‌ڵ یه‌كێتیی نیشتمانیی كوردستان پێشكه‌شكردو به‌گه‌شبینییه‌وه‌ له‌ئاینده‌ی ئه‌و په‌یوه‌ندییه‌ دۆستانه‌یان روانیی و هیوایانخواست  ی.ن.ك  هه‌موو تواناكانی بۆ به‌دیهاتنی مافه‌كانی خه‌ڵكی كوردستان و هێنانه‌دی ئاشتیی و سه‌قامگیریی له‌هه‌رێمی كوردستان و عیراق و ناوچه‌كه‌دا بخاته‌گه‌ڕ، له‌وباره‌یه‌وه‌ مامۆستا سۆتیریس روسۆس وتی: له‌سه‌ربنه‌مای چالاكی و هه‌ڵوێسته‌ دیارو به‌رچاوه‌كان ئاینده‌ی باشووری كوردستان گه‌ش و رووناك ده‌بێت، چونكه‌ سه‌رباری هه‌ندێك كۆسپ و ئاسته‌نگ سه‌لماندویه‌تی كه‌مێرگی دیموكراسیی دابینكردنی سه‌ره‌تاكانی مافی مرۆڤ و ده‌سته‌به‌ركردنی مافی هه‌موو پێكهاته‌كانی هه‌رێمی كوردستانه‌..

"سه‌ركه‌وتنی به‌رخۆدانی رۆژئاوا"
له‌شكركێشییه‌كانی سوپای توركیاو ئامانجه‌كانی حكومه‌تی ئه‌نقه‌ره‌ی له‌وله‌شكركێشییه‌ بۆسه‌ر رۆژئاوای كوردستان ته‌وه‌رێكی دیكه‌ی كۆڕه‌كه‌ بوو كه‌ هه‌ڤاڵ نوێنه‌ری یه‌كێتیی نیشتمانیی كوردستان به‌وردی هه‌ڵوه‌سته‌ی له‌سه‌ركردو هه‌موو فاكته‌رو ئامانجه‌كانی پشتی ئه‌و داگیركارییه‌ی بۆ ئاماده‌بووان روونكرده‌وه‌، به‌گرنگیی و بایه‌خه‌وه‌ به‌رخودانی رۆژئاوای كوردستانی له‌به‌رامبه‌ر سته‌می هه‌ڵمه‌ته‌ ناڕه‌واكانی توركیای له‌به‌رامبه‌ر كوردانی رۆژئاوای كوردستان خسته‌ڕوو كه‌ته‌نانه‌ت بۆ گه‌یشتن به‌ئامانج و خواسته‌كانی چه‌ندین چه‌كی قه‌ده‌غه‌كراوی نێوده‌وڵه‌تی نموونه‌ی وه‌كو چه‌كی فۆسفۆر له‌دژی خوشك براكانمان به‌تایبه‌تی منداڵانی كورد به‌كارهێناوه‌، ئاماژه‌ی به‌محه‌مه‌دی مێردمنداڵ كرد كه‌ وێنه‌ی سووتانه‌كه‌ی رای گشتیی تووشی شۆك كرد، نیگه‌رانی خۆی له‌وه‌ده‌ربڕیی كه‌ تاكو ئێستا منداڵی كورد قوربانیی جه‌نگو ماڵوێرانییه‌كانیان و ته‌نها تاوانیشیان كوردبوون و داواكارییان دابینكردنی مافه‌كانیانه‌، له‌و رووه‌وه‌ به‌بایه‌خه‌وه‌ رۆڵی حكومه‌تی ئه‌سینای له‌داكۆكیكردنی مافی كورد له‌هه‌رشوێنێكی دنیادا به‌رزنرخاند، ستایشی حزبه‌ چه‌پ و رێكخراوه‌ مه‌ده‌نییه‌كان و مافه‌كانی مرۆڤی كرد به‌تایبه‌تی ستایشی حزبی سیریزای كرد بۆلایه‌نه‌ كوردستانییه‌كان كه‌ شانبه‌شانی كوردستانیان له‌وڵاته‌كه‌یاندا به‌شداریی كارایانكردووه‌ له‌خۆپیشاندان و ئیدانه‌كردنی له‌شكركێشیی سوپای توركیا بۆسه‌ر رۆژئاوای كوردستان، كه‌ یۆنانیش له‌نزیكه‌وه‌ ئاگاداری هه‌موو ئه‌نه‌خشه‌وه‌پیلانانه‌ بووه‌ كه‌له‌دژی كورد داڕێژراوون، هه‌ربۆیه‌ داوای له‌ڕای گشتی ئه‌و وڵاته‌ كرد له‌رابردوو زیاتر داكۆكیكاری به‌دیهاتنی مافه‌ ره‌واكانی خه‌ڵكی كوردستان بن..
 
به‌پرسیارو خستنه‌ڕووی دیدوتێڕوانیینه‌كانی به‌شێك له‌ئاماده‌بووان كۆتایی به‌كۆڕه‌كه‌هات و ته‌ئكیدكرایه‌وه‌ كه‌ له‌داهاتوودا كۆڕو سیمیناری زیاتر له‌سه‌ر ئه‌وپرسه‌ به‌ڕێوه‌بچێت كه‌ئامانج لێی هه‌ماهه‌نگی و یه‌كخستنی هه‌ڵوێسته‌كانی كۆمیته‌ی هاوبه‌شی حزبه‌ كوردستانییه‌كانه‌ له‌گه‌ڵ رای گشتی و حزب و رێكخراوه‌ چه‌پ و مه‌ده‌نییه‌كانی یۆناندا.

PUKmedia شۆڕش حه‌مید/ئه‌سینا

وێنە هەواڵ
  • image04
  • كۆنفرانسی مه‌ڵبه‌نده‌كان ده‌ستیپێكرد

  • image04
  • بەفربارین حاجی ئۆمەران سپی پۆشدەكات

  • image04
  • پێشمەرگە شەهیدەكانی گەرمیان

  • image04
  • میسی بۆ جاری شه‌شه‌م باڵۆن دۆڕی برده‌وه‌

  • image04
  • سێ كارمه‌ندی ئاسایشی گه‌رمیان شه‌هیدبوون

  • image04
  • به‌غدا.. خۆپیشانده‌ران بۆ ده‌ستله‌كاركێشانه‌وه‌ی عادل عه‌بدولمه‌هدی ئاهه‌نگ ده‌گێڕن

  • image04
  • کچە کوردێک مارکەیەک بەناوی خۆی بەرهەمدەهێنێت

  • image04
  • لە حاجی ئۆمران بەفر دەبارێت


                                           

ڤانکوڤەر.. سیمینارێك لەسەر ڕۆژئاوا بەڕێوەدەچێت


لەسەر داواکاری گروپی چالاکوانانی سەربەخۆی ڤانکوڤەر و هاوکاری رێکخراوی ماڵی کوردی ڤانکوڤەر ، رۆژی شەممە بە ئامادەبوونی ژمارەیەکی بەرچاوی  ڕۆشنبیران و هونەرمەندان و ڕەوەندی کوردی ڤانکو...


  ئەڵمانیا..دوو دادوەری كورد گفتوگۆ لەسەر نادادپەروەری دادگاکانی عیراق دەکەن
  كۆبوونەوەی كۆمیتەی هاوكاری لەدانیمارك
                                           

لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام


لاهور شێخ جه‌نگی له‌چاوپێكه‌وتنێكدا بۆ ئاژانس رایگه‌یاندوه‌، بۆ كۆنگره‌ دژی ته‌وافوقم، به‌ڵام له‌گه‌ڵ لێكتێگه‌یشتندام
 
لاهور ش...


  عومەر شێخ موس: سەركردایەتیی كورد لەسیاسەت تێ نەگەیشتووە
  حاجی مەسیفی: بۆ دانانی پارێزگاری كەركوك چیتر سەبرمان نەماوە
                                           

سه‌رشۆڕێكی داعش له‌به‌رده‌م سه‌ری به‌رزی كچه‌ ئێزیدییه‌كدا

كه‌ناڵی ئه‌لعه‌ره‌بییه‌ روبه‌ڕووبوونه‌وه‌ی كچه‌ ئێزیدیه‌ك له‌گه‌ڵ چه‌كدارێكمی داعش بڵاوده‌كاته‌وه‌ كه‌...


  روونكردنه‌وه‌كه‌ی ئه‌نجومه‌نی باڵای فه‌توا نیگه‌رانی لێده‌كه‌وێته‌وه‌
  وەستایەك ئۆتۆمبێلی كۆن نوێ دەكاتەوە


کاریکاتێر