هه‌سه‌ده‌ ئاماری پێكدادانه‌كانی 24 سه‌عاتی رابردوو رادەگەیەنێت

.

هێزه‌كانی سوریای دیموكرات رایانگه‌یاند: شه‌ڕڤانان به‌رده‌وامن له‌ به‌رگری له‌ ناوچه‌كانی رۆژئاوای كوردستان و له‌ ماوه‌ی 24 سه‌عاتی رابردودا، زیانی زۆر گه‌وره‌یان به‌ چه‌كداره‌كان سه‌ربه‌ توركیا گه‌یاندووه‌.

ئه‌مڕۆ 5-11-2019، ناوه‌ندی راگه‌یاندنی هێزه‌كانی سوریای دیموكرات "هه‌سه‌ده‌" رایده‌گه‌یه‌نێت، له‌ ماوه‌ی 24 سه‌عاتی رابردوودا هێزه‌كانیان له‌ چه‌ند رووبه‌ڕووبوونه‌وه‌یه‌كدا توانیویانه‌ 24 چه‌كداری سه‌ربه‌ توركیا بكوژن و 11 ی تریش برینداربكه‌ن و دوو ئۆتۆمبێلی سه‌ربازی ئه‌و چه‌كدارانه‌ش تێكبشكێنن.

راشیگه‌یاندووه‌، رووبه‌ڕووبوونه‌وه‌كان له‌ ناوچه‌كانی ته‌ل ته‌مرو زركان و عه‌ین عیساو روویانداوه‌.

 ئاماژه‌ی به‌وه‌شداوه‌، هێزه‌كانی سوریای دیموكرات، به‌رده‌وامن له‌ به‌رگری له‌ ناوچه‌كانی رۆژئاوای كوردستان.

PUKmedia ئاژانسی هاوار