سەرۆك كۆماری عیراق گەیشتە هەولێر

.

سەرۆك كۆماری عێراق دكتۆر بەرهەم ساڵح گەیشتە هەرێمی كوردستان و بڕیارە لەگەڵ سەرۆكی هەرێم و لایەنەكان كۆبێتەوە.

بڕیارە د.بەرهەم ساڵح سەرۆك كۆماری عیراق سبەی سێ شەممە بەشداری كۆبوونەوەی نیچیرڤان بارزانی سەرۆكی هەرێمی كوردستان لەگەڵ لایەنە سیاسییەكان بكات.

لەو كۆبوونەوەیەدا هەریەكە لە مەسرور بارزانی سەرۆكی حكومەت و رێواز فایەق سەرۆكی پەرلەمانی كوردستان و نێچیرڤان بارزانی سەرۆكی هەرێم ئامادە دەبن و سەرۆك كۆمار لەبارەی گۆڕانكارییەكانی عیراقەوە وتارێك پێشكەش دەكات.

هەروەها سەرۆك كۆمار باس لە هەمواركردنەوەی دەستورو خۆپیشاندانەكان و هەڵبژاردنی پێشوەختە بۆ لایەنەكانی هەرێم دەكات.

هەر بەپێی زانیارییەكان لەو كۆبوونەوەیەدا سێ سەرۆكایەتیەكەی هەرێم و لایەنە سیاسیەكان لەسەر هەمواركردنەوەی دەستورو ئامادەكارییەكانی كوردستان بۆ ئەو گۆڕانكارییە پێشنیارو بڕیاری خۆیان ئامادە دەكەن.