مەڵبەندی سلێمانی خولێكی زانستی بۆ 500 خوێندكاری زانكۆ دەكاتەوە

.

لەدرێژەی بەردەوامبوون وبەڕێوەچوونی ئەو كۆڕو خولە زانستی و كۆمەڵایەتییانەی كە مەڵبەندی رێكخستنی سلێمانی بەهاوكاری رێكخراوی گەشەپێدانی ئەكادیمی بۆ سەرجەم چین وتوێژەكانی كۆمەڵگا رێكیان دەخات، سەر لەئێوارەی ئەمڕۆ بەئامادەبوونی حاكم قادرحەمەجان ئەندامی سیاسی و لێپرسراوی مەڵبەندی رێكخستنی سلێمانی یەكێتیی نیشتمانیی كوردستان، خولی ژمێریاری و كارگێڕی و ئابووری، بۆ زیاتر لە (500) تازە دەرچوان و خوێندكارانی زانكۆكانی (سلێمانی و پۆلیتەكنیك و پەیمانگای) بەڕێوەچوو .

لەسەرەتای دەستپێكردنی خولەكەدا حاكم قادر وتەیەكی پێشكەش بەئامادەبووان كردو تیایدا وێڕای دەستخۆشی لە مامۆستایان و وانەبێژان كە دڵسۆزانەو ماندونەناسانە خۆبەخشانە بەبێ بەرامبەر هەوڵەكانیان دەخەنەگەڕ بۆ گەیاندنی زانست وزانیارییە كانیان بەبەشداربوان.

لەبەشێكی تری ووتەكانیدا داوای لەبەشداربووان كرد سود لەو وانانە وەرگرن كە لەخولەكەدا پێَشكەش دەكرێت و هەوڵبدەن كات بەفیڕۆنەدەن و پێیڕاگەیاندن لەپێناو زیاتر گەیاندنی خزمەتگوزاری پەروەردەیی وزانستی وكۆمەڵایەتی بەخوێنكاران وگەنجان و تەواوی توێژەكانی كۆمەڵگا بەڵێنی بەبەشدارابوان دا لەزنجیرە كۆڕو خولەكان بەردەوام بن.    

PUKmedia شوان كەریم