قادر عەزیز سەردانی مەكتەبی شەهیدان دەكات

.

سەعات 12:00ی ئەمڕۆ قادرعەزیز ئەندامی مەكتەبی سیاسی یەكێتی نیشتیمانی كوردستان سەردانی مەكتەبی شەهیدانی یەكێتی كرد و  لەلایەن بەرپرس و ئەندامانی مەكتەبەوە پێشوازی لێكرا.

لە سەردانەكەدا قادرعەزیز پیرۆزبایی دەستبەكاربوونی لە شێخ میقداد وەك بەرپرسی تازەی مەكتەب كرد ، هەروەك دەستخۆشی لە ستافی مەكتەبی شەهیدان كرد كە لە ماوەی رابردوودا دڵسۆزانە كاروباری مەكتەبەكەیان بەسەركەوتوویی راپەراندووە.

هەر لە درێژەی دیدارەكەدا قادرعەزیز وتی: مەكتەبی شەهیدان وەك مەكتەبەكانی تر نیە كە تایبەت بێت تەنها بە بوارێك ، بەڵكو مەكتەبی هەمووانە ، چونكە شەهیدە نەمرەكان شەهیدی هەموومان و سەرجەم گەلەكەمانن.

ئەو هەڤاڵانەش كە لەم مەكتەبەدا كار دەكەن زۆربەیان كور و برا و كەس و كاری شەهیدە سەربەرزەكانن ، بۆیە دڵنیام كە لە هەمووان زیاتر لە گەورەیی قوربانی شەهیدەكانمان و ئیش و ئازاری خانەوادە سەربەرزەكانیان دەكەن و هەر بەم گیانەشەوە خزمەتیان دەكەن.

لە كۆتایی سەردانەكەدا قادرعەزیز بەڵێنی پێدان كە داخوازیەكانیان دەگەیەنێتە مەكتەبی سیاسی و لە رووی راگەیاندنیشەوە لەمەودوا بایەخی زیاتر بە بڵاوكردنەوەی كاروچالاكی مەكتەبەكەیان دەدات.

PUKmedia  تایبەت