پێنج وڵات بازاڕی تایەی هەرێم هەڵدەسوڕێنن
ئابوری 09:50 PM - 2019-10-27.
هەرێمی كوردستان پشت بە هاوردەی تایەی ئۆتۆمبێل دەبەستێت و بە سێ ساڵ 475 ملیۆن و 900 هەزار تۆن تایەی ئۆتۆمبێل هاوردە كراوە، كە بەهاكەی (961 ملیۆن و 800 هەزار دۆلار) بووە، پێنج وڵاتیش سەرچاوەی سەرەكیی هاوردەن كە پشتیان پێ دەبەسترێت بۆ دابینكردنی تایەی 1 ملیۆن و 700 هەزار ئۆتۆمبێلی جۆراوجۆر لە هەرێم و وەرزی بارانبارین و سەرماش جووڵە دەخاتە بازاڕی تایەفرۆشانەوە.
سامان ئەحمەد تەمەن 32 ساڵ، چوار تایەی نوێی بۆ ئۆتۆمبێلە نیسان سەنییەكەی دەكڕی و سەرقاڵی مامەڵە بوو لە فولكەی مامەڕیشە لە سلێمانی وتی: ״بەر لە وەرزی باران پێویستی دەكرد تایەی سەیارەكەم بگۆڕم و باشترین جۆری كۆری-یم بە 265 دۆلار كڕی״.
بە گوێرەی ئاماری هاوردەی تایە بۆ هەرێمی كوردستان كە لە وەزارەتی كاروباری بازرگانی و پیشەسازیی هەرێم دەستكەوتووە بە سێ ساڵ 475 ملیۆن و 900 هەزار تۆن تایەی ئۆتۆمبێل هاوردە كراوە بە بەهای (961 ملیۆن و 800هەزار دۆلار)، كە هاوردەی ساڵی 2018 قەبارەكەی (162 هەزار و 700) تۆن بووە بە بەهای (388 ملیۆن و 700 هەزار دۆلار)، ساڵی 2017 یش (169 هەزار تۆن) بە بەهای (265 ملیۆن و 500 هەزار) دۆلار و ساڵی 2016یش بڕی (144 هەزار و 200 تۆن) بە بەهای (307 ملیۆن و 700 هەزار) دۆلار هاوردە كراوە.
بەو سێ ساڵەش بە بە های 24 ملیۆن و 600 هەزار دۆلار 7 هەزار و 500 تۆن تیوبی تایە هاوردە كراوە.
عەبدولڕەزاق عوسمان، بەڕێوەبەری گشتی لە دیوانی وەزارەتی كاروباری بازرگانی و پیشەسازیی هەرێم وتی: ״ئاماری ئەمساڵ بەردەست نییە، بەڵام هەرێم پشت بە هاوردەی تیوب تایەی ئۆتۆمبێل دەبەستێت و ئەو قەبارەیەش لە خاڵی سنووریی هەرێم و خاڵی سنووریی باشوورەوە هێنراون״.
״ لە چین، ئیمارات، ژاپۆن، كۆریای باشوور و تایلەندەوە تایە هاوردە كراوە، كە زۆرترینیان لە چینەوەیە و لە ڕیزبەندیی یەكەمدایە و تایلەندیش كەمترینە״، بەڕێوەبەری گشتیی دیوانی وەزارەتی بازرگانی وای وت.
سەلام عومەر تەمەنی 49 ساڵە و پێشانگای تایە و تیوبی لە سلێمانی هەیە و رایگەیاند: ״٢٤٠ بۆ ٥٠٠ تایەی قەبارە جیاواز هەیە و هەریەكە و بە نرخێكە، باشترین جۆری تایەش لە هەرێم جۆری تایلەندییە و خواستی لەسەرە، چونكە بۆ هەموو ئۆتۆمبێلێك دەبێت. نرخیش لە 45 دۆلارەوەیە تا ٢٥٠ دۆلار بۆ جووتێك تایە״.
لە پێنج وڵاتەوە و بە ڕێگەی كوالێتی كۆنتڕۆڵ تایە هاوردەی هەرێم دەكرێت، ڕێگەی قاچاخیش بوونی هەیە لە خاڵە گومركییەكان و فڕۆكەخانەكان، بەڵام هێندە كارێكی ئاسان نییە و ئاسایشی خاڵە سنوورییەكان زۆر بەهێزن.
بەختیار مەلا ئەحمەد، لێپرسراوی ڕاگەیاندنی هاوردە وتی: ״لە هەموو فڕۆكەخانە و خاڵە سنوورییەكان كوالێتی كۆنتڕۆڵ هەیە بەبێ پشكنین داخڵ ناكرێ״.
״بە پێی دەستووری عێراق ڕێگە نادەن لە ناوخۆدا تاقیگەی پشكنین هەبێت، بۆیە لە بەسڕە، ڕەبیعە و ئەو خاڵە سنوورییانەی عێراق هەیەتی بۆ دەرەوە، بە پارە بە واستە كاڵای كوالێتی خراپ داخڵ دەكرێت، لەو چوارچێوەیەدا هاوردەی هەرێم دەكرێ بەبێ پشكنین و لە بازاڕەكانی هەرێم ساغ دەكرێتەوە״، بەختیار مەلا ئەحمەد وا دەڵێت.
هەرێمی كوردستان 100% پشت بە هاوردەی تایە و تیوبی ئۆتۆمبێل دەبەستێت، چونكە هیچ كارگەیەكی درووستكردنی تایە نییە، لە كاتێكدا ژمارەیەكی ئێجگار زۆر ئۆتۆمبێل لە هەرێم هەیە و ڕۆژانە نزیكەی 600-700 ئۆتۆمبێلیش هاوردە دەكرێت.
بە پێی ئامارێكی بەڕێوەبەرایەتی هاتووچۆی هەرێم رایگەیان:نزیكەی یەك ملیۆن و 700 هەزار ئۆتۆمبێل لە هەرێم تۆمار كراون و زۆرترینیان لە هەولێرن كە 791 هەزار و 72 ئۆتۆمبێلە.
سەرچاوەكەی هەناردە و هاوردەكارانیش دەڵێت: ״تایەی توركی، خلیجی، ئەندەنووسی و مالیزیش هاوردە دەكرێن״.
PUKmedia ئاژانس
هەواڵی زیاتر
-
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27 -
زهوی و مووچه دابهشدهكرێت
02:56 PM - 2024-03-27 -
خانمی یەکەمی عیراق چوار ئۆتۆمبیلی بەخشییە ماڵی بەساڵاچوان و خانەکانی منداڵانی سلێمانی
07:00 PM - 2024-03-26
ئەمانەش ببینە
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
10:17 PM - 2024-03-27
قوباد تاڵەبانی: هەوڵمان بۆ چارەسەری بودجە و مووچەی هەرێمە
07:01 PM - 2024-03-27
وتهبێژی كۆمسیۆن: كێشهی پهنجهمۆر لهههرێم ئاساییهو ستاندارده
02:22 PM - 2024-03-27
گۆڕانكارییەكانی مەكتەبی راگەیاندن و هۆشیاریی یەكێتی جێبەجێدەكرێن
01:06 PM - 2024-03-27
زۆرترین خوێنراو
-
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
کوردستان 10:17 PM - 2024-03-27 -
قوباد تاڵەبانی: هەوڵمان بۆ چارەسەری بودجە و مووچەی هەرێمە
کوردستان 07:01 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
کوردستان 05:26 PM - 2024-03-27 -
پرسەنامەی قوباد تاڵەبانی بۆ خانەوادەی رەسوڵ حەسەن مەحمود
پرسەنامە 05:09 PM - 2024-03-27 -
زهوی و مووچه دابهشدهكرێت
کوردستان 02:56 PM - 2024-03-27 -
وتهبێژی كۆمسیۆن: كێشهی پهنجهمۆر لهههرێم ئاساییهو ستاندارده
کوردستان 02:22 PM - 2024-03-27 -
گۆڕانكارییەكانی مەكتەبی راگەیاندن و هۆشیاریی یەكێتی جێبەجێدەكرێن
کوردستان 01:06 PM - 2024-03-27 -
سودانی لهسهر داوای یهكێتی لیژنهیهك بۆ قهرهبووكردنهوهی زیانلێكهوتوان پێكدههێنێت
کوردستان 11:35 AM - 2024-03-27