هێرۆ برایم ئەحمەد: هەموان بۆ مامۆستا حەمید خەمبارین

.

هێرۆ برایم ئەحمەد هاوخەمی خۆی بۆ کۆچی دوایی تێکۆشەر مامۆستا حەمید دەردەبڕێت و سەرەخۆشی لە خانەوادەکەی دەکات.

دەقی پرسەنامەکە................

بە ناوی یەزدانی مەزن و میهرەبانەوە

خوشكی ئازیزم له‌یلا خان

بەرێزان له‌ پارتی دیموكراتی پێشكه‌وتنخوازی كوردی له‌ سوریا

بەداخ و پەژارەیەكی زۆرەوە، هەواڵی ماڵئاوایی یەكجارەكیی سەرکردەی تێکۆشەر و خاوەن مێژوویەکی پڕشنگدار مامۆستا(حەمید دەروێش)م پێگەیشت، بۆ ئەو خەمە گەورەیە پرسە و ماتەمینیی قوڵی خۆمتان پێ دەگەیەنم و لەناخەوە هاوبەشی غەم و پەژارەتانم.

لە دەستدانی مامۆستا(حەمید) کە كەسایەتییەكی گرنگ بو لە بزوتنەوەی نیشتمانیی و دیموكراسیی سوریا و كوردایەتیدا، مێژوویەكی دور و درێژ پێكەوەمانی دەبەستەوە و نمونەی هەڤاڵ و دۆستی بە ئەمەك بوە كە مایەی شانازیی بوە، بۆیە ماڵئاوایكردنەكەی خەسارەتێكە هەمووان بۆی پەرۆش و خەمبارین.

لە پەروەردگارمان داوایە‌ گیانی ئەم تێكۆشەرە بە بەهەشتی بەرینی شاد بكات و ئۆقرەیی و خۆڕاگرییش بەئێوە و یەك بەیەكی خانەوادە و بنەماڵە تێكۆشەرەکەی ببەخشێت.

ٳنــا لله وٳنــا ٳلــیـە راجــعــون

هێرۆ ئیبراهیم ئەحمەد

PUKmedia