پرسه‌نامه‌ی مه‌كته‌بی سیاسی بۆ كۆچی دوایی سه‌ڵاح ڕه‌نجده‌ر

.

به‌بۆنه‌ی كۆچی دوایی تێكۆشه‌ری دێرین و ڕووناكبیر و نووسه‌ر سه‌ڵاح ڕه‌نجده‌ر مه‌كته‌بی سیاسی پرسه‌نامه‌یه‌ك ئاڕاسته‌ی كه‌سوكار و بنه‌ماڵه‌ و هاوڕێكانی سه‌ڵاح ڕه‌نجده‌ر ده‌كات كه‌ ئه‌مه‌ ده‌قه‌كه‌یه‌تی:

زۆر به‌داخه‌وه‌ هه‌واڵی كۆچی دوایی تێكۆشه‌رو كادری دێرین و روناكبیرو نوسه‌ر هه‌ڤاڵ سه‌ڵاح ڕه‌نجده‌رمان پێگه‌یشت. ئه‌م هه‌واڵه‌ له‌ناخه‌وه‌ نیگه‌ران و خه‌مباری كردین.
كۆچكردوو هه‌ڤاڵ سه‌ڵاح ڕه‌نجده‌ر هه‌میشه‌ وه‌ك تێكۆشه‌رو كادرێكی دڵسۆز و خۆنه‌ویست ئه‌ركه‌كانی ڕاپه‌راندووه‌و خه‌باتی كردووه‌.
پرسه‌و سه‌ره‌خۆشی ئاراسته‌ی كه‌سوكارو بنه‌ماڵه‌ تێكۆشه‌ره‌كه‌یان ده‌كه‌ین، ئومێده‌وارین ئه‌مه‌ دوا ناخۆشیان بێت و ڕۆحی كۆچكردوویش بۆ هه‌میشه‌ شادبێت.

ڕاگه‌یاندنی مه‌كته‌بی سیاسی ی.ن.ك

20/10/2019

PUKmedia