كۆسرەت ڕەسول پێشوازی لەژمارەیەك ئەكادیمی كرد

.

ئێوارەی ئەمڕۆ شەممە ١٩/١٠/٢٠١٩ لەشاری سلێمانی كۆسرەت ڕەسول عەلی جێگری سكرتێری گشتی یەكێتی نیشتمانی كوردستانپێشوازیكرد لەژمارەیەك سیاسەتمەدارو ئەكادیمی و مامۆستای زانكۆو توێژەری كوردو عەرەب و ئەوروپی.

لە دیدارێكدا كە هەریەك حاكم قادر حەمەجان و سەعدی ئەحمەد پیرە ئەندامانی مەكتەبی سیاسی و عومەر شێخموس ڕووناكبیروسیاسەتمەداری گەورەی گەلەكەمان ئامادەی بوون، گفتوگۆكرا لەبارەی دۆخی سیاسی عێراق و كوردستان و ناوچەكەو ڕۆڵی كورد لەهاوكێشە سیاسییەكاندا، كۆسرەت ڕەسول دیدو تێڕوانینی ڕاشكاوانەی یەكێتی نیشتمانی كوردستانی خستەڕوو و. دووپاتی كردەوە كەیەكێتی بۆ ئاشتی و ئازادی و دیموكراسی خەباتی  كردووەو دەیكا.

هەر لەدیدارەكەدا بیروبۆچوون ئاڵوگۆڕكرا لەبارەی دوایین پێشهات و گۆڕانكارییەكانی كوردستان و ناوچەكەو ڕۆڵی ئەكادیمیستان وتوێژەران بەرزنرخێنرا لە یەكلاكردنەوەی پرسە چارەنووسسازەكاندا.

دۆخی ناوخۆی كوردستان و پەیوەندی نێوان لایەنەكان و هاوئاهەنگی و هەماهەنگی نێوان. لایەنە سیاسییەكان تەوەرێكی تری گفتوگۆكانبوو، تێڕوانینی ڕوون و ڕاشكاوی لەبارەوە خرایەڕوو.

PUKmedia تایبه‌ت