هه‌ر كورد ئه‌توانێ

.

هه‌ر كورد ئه‌توانێ

له‌ رووی ئابوورییه‌وه‌؛ لات پاڵه‌وانی خوابێ.
له‌ رووی ده‌روونییه‌وه‌؛ سه‌رچۆپییه‌كه‌ نه‌دات به‌ كه‌س.

×××

له‌ رووی رێكخستنه‌وه‌؛ عاله‌می لێ ته‌كیبێته‌وه‌.
له‌ رووی ئیعلامه‌وه‌؛ هه‌ر شیڕه‌ی بێت.

×××

له‌ رووی ته‌ندروستییه‌وه‌؛ شه‌به‌كه‌ و باڵۆنی دانابێ.
له‌ رووی نه‌وسه‌وه‌؛ هه‌موو به‌یانییه‌ك شیلاوگ بخوا به‌ ئاوی سه‌روپێوه‌.

×××

له‌ رووی بازرگانی یه‌وه‌؛ قۆڵی هه‌موو ئۆمه‌تی محه‌مه‌دی بڕیبێ.
له‌ رووی ئیمانه‌وه‌؛ ساڵی دوو جار بچێ بۆ عه‌مره‌.

×××

له‌ رووی قژه‌وه‌؛ یه‌ك تاڵی سپی تیا نه‌بێ.
له‌ رووی پژمله‌وه‌؛ بووبێ به‌ پاقلاوه‌.

×××

له‌ رووی فكره‌وه‌؛ فیمینیست بێ.
له‌ رووی كۆمه‌ڵایه‌تی یه‌وه‌؛ ژنی سێ یه‌می حاجییه‌ك بێ.

×××

له‌ رووی ته‌كتیكه‌وه‌؛ رێوی به‌ شاگرد رانه‌گرێ.
له‌ رووی ستراتیجه‌وه‌؛ كه‌رێك بێ له‌و گۆڕه‌ی.

×××

له‌ رووی ره‌سمی یه‌وه‌؛ ماجستێری هه‌بێ له‌ سیاسه‌تدا.
له‌ رووی واقیع یه‌وه‌؛ له‌ ژێر پرده‌كه‌ سه‌د كڵاو بكه‌نه‌ سه‌ری.

×××

له‌ رووی نه‌زه‌رییه‌وه‌؛ پسپۆڕ بێ له‌ مه‌قامی حیجازدا.
له‌ رووی عه‌مه‌لی یه‌وه‌؛ له‌ گه‌عده‌كاندا مه‌ملی مه‌مانی بڵێ.

×××

له‌ رووی پیشه‌وه‌؛ مامۆستای جوگرافیا بێ.
له‌ رووی مه‌جلیسدا؛ بڵێ ئازرباینجان.