تورکیا ئاگربەست رادەگەیەنێت لە رۆژئاوای کوردستان

.

جێگری سەرۆکی ئەمریکا لە دوای کۆبونەوەیان لەگەڵ تورکیا ئەنجامی کۆبونەوەکەی راگەیاند و وتی تورکیا ئاگربەست رادەگەیەنێت و بەو شێوەیەش گیانی هاوڵاتیانی سڤیلی رۆژئاوای کوردستان پارێزراو دەبێت.

مایک پێنس جێگری سەرۆکی ئەمریکا لە کۆنگرەیەکی رۆژنامەوانیدا رایگەیاند: دوای کۆبونەوەیەکی ٥ سەعاتی لەگەڵ تورکیا هەماهەنگی دەکەین بۆ گەڕاندنەوەی سەقامگیری لە ناوچەکە.

وتیشی: تورکیا خواستی هەیە ئاگر بەست رابگەیەنێت و ئاگر بەستەکەش لەماوەی ١٢٠ سەعاتی داهاتوو جێنەجێ دەکرێت و یەپەگە بە درێژایی ٣٢ کیلۆمەتر لە ناوچەی دیاریکراوی ئارام دەکشێتەوەو ئەمەش بۆ پاراستنی گیانی پێکهاتەکان و خەڵکی سڤیلی تورکیایە.

ئەوەشیخستەروو، کە سەرۆکی ئەمریکا دۆناڵد ترەمپ سوپاسی ئەردۆغان سەرۆکی تورکیای کردوە لەسەر راگرتنی شەر لە رۆژئاوا و بۆ پێکهێنانی ناوچەی ئارام، چونکە رێککەوتننامە لەگەڵ ئەردۆغان ژیانی ملیۆنان کەس دەپارێزێت.

ئاماژەیبەوەشکرد، کە لەگەڵ یەپەگەش ڕێککەوتوین بۆ کشانەوەیان و تورکیاش بڕیاریداوە هیچ ئۆپەراسیۆنێکی سەربازی ئەنجام نەدات و وترکیا بەم نزیکانە شەڕ لە رۆژئاوای کوردستان ڕادەگرێت.

PUKmedia تایبەت